अलास्कामध्ये बेपत्ता बेरिंग एअरच्या विमानाचा अपघात 10 जणांचा मृत्यू

अमेरिकेतील पश्चिम अलास्कातील नोम शहरात जाताना बेपत्ता झालेल्या विमानाचे अवशेष सापडले आहेत. विमान समुद्रातील बर्फावर कोसळले होते. या अपघातात विमानातील सर्व 10 जणांचा मृत्यू झाला. माहिती देताना, यूएस कोस्ट गार्डचे प्रवक्ते माइक सालेर्नो म्हणाले की, बचाव पथकाला ढिगारा सापडला आहे.

हेलिकॉप्टरमधून विमानाचे अवशेष दिसल्यानंतर, बचाव पथके घटनास्थळी पाठवण्यात आली. बचावकर्त्यांना आढळले की विमानातील सर्वजण मरण पावले आहेत.

अलास्का सार्वजनिक सुरक्षा विभागाच्या म्हणण्यानुसार, बेरिंग एअर सिंगल-इंजिन टर्बोप्रॉप विमानाने उनालकलीट येथून नऊ प्रवासी आणि एक पायलटसह उड्डाण केले. अलास्काच्या पश्चिमेकडील प्रमुख शहर नोमजवळ विमानाचा संपर्क तुटला. कोस्ट गार्डने सांगितले की ते नोमच्या आग्नेयेस ३० मैल (48किलोमीटर) अंतरावर बेपत्ता झाले. यानंतर, बचाव कार्य सुरू करण्यात आले आणि काही तासांनंतर त्यांना विमानाचे अवशेष सापडले.

Edited By - Priya Dixit