Select Your Language

Notifications

webdunia
webdunia
webdunia
Friday, 28 February 2025
webdunia

माऊंट मेरापी ज्वालामुखीच्या उद्रेकात 11 गिर्यारोहकांचा मृत्यू, अनेक बेपत्ता

volcano
, सोमवार, 4 डिसेंबर 2023 (15:25 IST)
इंडोनेशियातील पश्चिम सुमात्रा येथील माऊंट मेरापी ज्वालामुखीच्या उद्रेकात 11 गिर्यारोहकांचा मृत्यू झाला आहे. मदत आणि बचाव पथकांनी सर्व 11 गिर्यारोहकांचे मृतदेह बाहेर काढले आहेत. ज्वालामुखीजवळ तीन गिर्यारोहक जिवंत सापडले असून अनेक गिर्यारोहक अद्याप बेपत्ता असून त्यांचा शोध सुरू असल्याचे बचाव अधिकाऱ्यांनी सांगितले.  
 
त्यांनी सांगितले की त्यांना तीन लोक जिवंत आणि 11 मृतदेह सापडले आहेत. ते म्हणाले की, शनिवारी घटनेच्या दिवशी एकूण 75 गिर्यारोहक मेरापी पर्वतावर होते. ज्वालामुखीचा उद्रेक झाल्यानंतर पांढरी आणि राखाडी राख पसरली आहे. त्यामुळे गिर्यारोहक बेपत्ता असून आजूबाजूची गावे ज्वालामुखीच्या राखेने झाकली गेली आहेत. मीडिया रिपोर्ट्सनुसार, ज्वालामुखीच्या उद्रेकाच्या ठिकाणाजवळ दोन पर्वत चढाईचे मार्ग आहेत, जे आता बंद करण्यात आले आहेत. तसेच, ज्वालामुखीच्या मुखापासून 3 किलोमीटरपर्यंत उतारावर असलेली गावे खबरदारीचा उपाय म्हणून रिकामी करण्यात आली आहेत. स्फोटानंतर ज्वालामुखीतून लाव्हा बाहेर येण्याची शक्यता आहे. 
 
मेरापी पर्वतावर अनेक गिर्यारोहक अद्याप बेपत्ता आहेत, त्यांचा शोध सुरू आहे. ज्वालामुखीचा उद्रेक झाल्यानंतर ज्वालामुखीची राख 3000 मीटर अंतरापर्यंत पसरली आहे. ज्वालामुखीच्या राखेपासून त्यांचे डोळे सुरक्षित ठेवता यावेत यासाठी प्रशासनाने लोकांना खबरदारी म्हणून गॉगल घालण्याचा सल्ला दिला आहे. इंडोनेशियामध्ये एकूण 120 सक्रिय ज्वालामुखी आहेत.
 
 Edited by - Priya Dixit  
 
 

Share this Story:

Follow Webdunia marathi

पुढील लेख

रेवंत रेड्डी आणि KCR या दोघांनाही हरवणारे कटीपल्ली वेंकटरमणा रेड्डी कोण आहेत?