देशातील साखरेचा तुटवडा पूर्ण करण्यासाठी पाकिस्तान सरकारने 1 दशलक्ष मेट्रिक टन साखर आयात करण्याची योजना आखली आहे.
पाकिस्तानच्या जिओ न्यूजनुसार, फेडरल सरकार 220 रुपये (PKR) प्रति किलोग्रॅमच्या वाढीव दराने साखर आयात करेल आणि याचा भार आधीच महागाईने त्रस्त असलेल्या आणि अवाजवी किंमत मोजावी लागत असलेल्या लोकांवर टाकला जाईल.
साखर कारखानदारांनी देशांतर्गत वापरासाठी देशात 'पुरेसा' साठा असल्याची ग्वाही देऊन निर्यात परवानगी मिळविण्यासाठी सरकारची दिशाभूल केल्याने ही सध्याची परिस्थिती आहे. जिओ न्यूजच्या रिपोर्टनुसार, यामुळे आज एक धोकादायक परिस्थिती आहे.
अन्न विभागाकडे साखरेचा अतिरिक्त साठा असतानाही, विभागाच्या प्रवक्त्याने आगामी काळात साखरेचे संकट ओढवण्याचा इशारा दिला आहे.
ही समस्या कमी करण्यासाठी अधिका-यांसाठी अतिरिक्त साठा वापरणे हा एकमेव पर्याय उरतो. तथापि, असे केल्याने शेवटी आयात केलेली साखर बाजारात विकली जाईल, ज्यामुळे ग्राहकांना जास्त पैसे द्यावे लागतील.
