दक्षिण अमेरिकन देश पॅराग्वे येथे शनिवारी विमान कोसळले. दक्षिण अमेरिकन देशात झालेल्या विमान अपघातात पॅराग्वेच्या नेत्यासह तिघांचा मृत्यू झाला. उड्डाणानंतर काही वेळातच विमान कोसळले. या घटनेत कोलोरॅडो पक्षाचे नेते वॉल्टर हार्म्स आणि त्यांच्या पक्षातील इतर तिघांचा मृत्यू झाला.
विमान दुर्घटनेनंतर पॅराग्वेचे उपाध्यक्ष पेड्रो अलियाना यांनी सोशल मीडिया प्लॅटफॉर्म X वर शोक व्यक्त करताना म्हटले की, 'माझा भाऊ आणि मित्र वॉल्टर हार्म्स यांच्या निधनाची दुःखद बातमी मला मिळाली.'
विमान अपघाताचे काही फोटो सोशल मीडियावर व्हायरल होत आहेत. पोलिसांनी दिलेल्या वृत्तानुसार, उड्डाणानंतर काही वेळातच विमान झाडावर आदळले, त्यानंतर त्याला आग लागली आणि विमान जमिनीवर पडले. असुनसिओनपासून 180 किमी अंतरावर विमान उड्डाण घेतल्यानंतर अपघात झाला. सत्ताधारी कोलोरॅडो पक्षाचे खासदार वॉल्टर हार्म्स आणि त्यांच्या टीमचे सदस्य विमानात होते आणि या अपघातात त्यांचा आणि इतर तीन जणांचा मृत्यू झाला.
