अफगाणिस्तानच्या आतल्या भागतून पाकिस्तानच्या खैबर पख्तूनख्वामधील कुर्रम जिल्ह्यात पाकिस्तानी लष्कराच्या चौकीला लक्ष्य करण्यात आले. पाकिस्तानी तालिबानने युद्धविराम करारातून माघार घेतल्यापासून असे हल्ले वाढले आहेत.पाकिस्तान आर्मी पब्लिक रिलेशन्सने (ISPR) जारी केलेल्या निवेदनानुसार, खैबर पख्तून ख्वा प्रांतातील कुर्रम जिल्ह्यात अफगाणिस्तानच्या आतल्या लष्करी चौकीवर दहशतवाद्यांनी गोळीबार केला. ज्यात त्यांचे किमान पाच जवान शहीद झाले. निवेदनानुसार, पाकिस्तानी सुरक्षा दलांनीही गोळीबार करून प्रत्युत्तर दिले, ज्यात दहशतवाद्यांचेही मोठे नुकसान झाले आहे, तथापि कोणत्याही स्वतंत्र स्रोताने याची पुष्टी केलेली नाही. अफगाणिस्तानच्या खोस्त प्रांताला लागून असलेल्या अंगोर टांगी या चौकीला हल्लेखोरांनी लक्ष्य केले आणि सुरक्षा दल आणि दहशतवादी यांच्यात रविवारी रात्री 8 च्या सुमारास गोळीबार सुरू झाला आणि अनेक तास चालला. या हल्ल्यात अनेक पाकिस्तानी सैनिक जखमी झाल्याचेही वृत्त आहे.
