आयपीएल 2022 सीझनची सुरुवात अशा निकालाने झाली, ज्याची फार कमी लोकांना अपेक्षा असेल. गेल्या मोसमाच्या फायनलच्या रिप्लेने सुरू झालेल्या नव्या मोसमात चॅम्पियन चेन्नई सुपर किंग्सचा उपविजेत्या कोलकाता नाईट रायडर्सने 6 गडी राखून पराभव केला. नव्या कर्णधारांच्या या स्पर्धेत कोलकाताचा कर्णधार श्रेयस अय्यरने बाजी मारली आणि पहिल्याच सामन्यात रवींद्र जडेजाने निराशा केली.
