MI vs RCB इंडियन प्रीमियर लीग 2023 : मुंबई इंडियन्सने रॉयल चॅलेंजर्स बंगलोरचा सहा विकेट्सने पराभव करून IPL 2023 मध्ये सहाव्या विजयाची नोंद केली. या विजयासह मुंबईचा संघ प्लेऑफच्या शर्यतीत कायम आहे. त्याचवेळी आरसीबीसाठी प्लेऑफचा रस्ता कठीण झाला आहे. या सामन्यात मुंबई इंडियन्सने नाणेफेक जिंकून प्रथम गोलंदाजी करण्याचा निर्णय घेतला आणि आरसीबीने प्रथम फलंदाजी करताना199 धावा केल्या. मुंबईने चार गडी गमावून लक्ष्य गाठले.
मुंबई इंडियन्सने रॉयल चॅलेंजर्स बंगलोरचा सहा विकेट्सने पराभव करून आयपीएल 2023 मध्ये सहाव्या विजयाची नोंद केली आहे. या सामन्यात आरसीबीने प्रथम फलंदाजी करताना 199 धावा केल्या. प्रत्युत्तरात मुंबईने 16.3 षटकांत 4 गडी गमावून 200 धावा केल्या आणि सामना सहा गडी राखून जिंकला. आरसीबीकडून कर्णधार फाफ डुप्लेसिस आणि ग्लेन मॅक्सवेल यांनी उत्कृष्ट अर्धशतके झळकावली. दोघांनी शतकी भागीदारीही केली, पण त्यांचा डाव व्यर्थ गेला. मुंबईसाठी इशान किशनच्या 42 धावांच्या खेळीनंतर सूर्यकुमार यादवच्या 83 आणि नेहल वढेराच्या 52 धावांच्या खेळीने मुंबईला विजय मिळवून दिला. या सामन्यातील विजयासह मुंबईचा संघ गुणतालिकेत तिसऱ्या स्थानावर पोहोचला आहे.
