पाचवेळा चॅम्पियन मुंबई इंडियन्स आज सुपर संडेवर दुहेरी हेडरच्या दुसऱ्या सामन्यात रॉयल चॅलेंजर्स बंगळुरूशी सामना करत आहे. या सामन्यात दोन्ही संघांमध्ये चुरशीची स्पर्धा पाहायला मिळणार आहे. मुंबई आणि बंगळुरूचे संघ जेव्हा जेव्हा भिडतात तेव्हा मैदानावर एक वेगळाच रोमांच पाहायला मिळतो. हा सामना संध्याकाळी 7.30 पासून खेळवला जाईल, तर नाणेफेक अर्धा तास आधी म्हणजेच 7.00 वाजता होईल. मुंबई आणि बंगळुरू यांच्यातील सामना एम चिन्नास्वामी स्टेडियमवर होणार आहे, जो फलंदाजांसाठी उपयुक्त आहे.
मुंबईचा संघ बेंगळुरूविरुद्धच्या मागील तीन सामन्यात पराभूत झाला आहे. आयपीएल 2021 मध्ये, बंगळुरूने दोन्ही सामने जिंकले. 2022 मध्ये दोन्ही संघ एकदाच आमनेसामने आले असून, बंगळुरूने सात गडी राखून विजय मिळवला आहे. आता फाफ डुप्लेसिसच्या नेतृत्वाखाली बंगळुरूचा संघ मुंबईविरुद्ध विजय मिळवण्याकडे लक्ष देईल. मात्र, एकूण रेकॉर्डबद्दल बोलायचे झाले तर, रोहित शर्माचा मुंबई इंडियन्सचा रेकॉर्ड उत्कृष्ट आहे.
मुंबई आणि बंगळुरू यांच्यात आयपीएलमध्ये 30 सामने झाले आहेत. यामध्ये एमआयने 17 सामने जिंकले आहेत, तर बंगळुरूने 13 सामने जिंकले आहेत. बेंगळुरूच्या एम चिन्नास्वामी स्टेडियमवर दोन्ही संघांच्या विक्रमाबद्दल बोलायचे तर, दोघांमध्ये 10 सामने झाले आहेत. या स्टेडियमवर मुंबईचा उत्कृष्ट रेकॉर्ड आहे आणि चिन्नास्वामी येथे बेंगळुरूविरुद्ध आठ सामने जिंकले आहेत. त्याचबरोबर बंगळुरूने आपल्या घरच्या मैदानावर मुंबईविरुद्ध केवळ दोनच सामने जिंकले आहेत.
रॉयल चॅलेंजर्स बंगळुरूचे अनेक खेळाडू दुखापतग्रस्त आहेत, तर काही खेळाडू अद्याप संघात सहभागी झालेले नाहीत. जोश हेझलवूड, रजत पाटीदार हे दुखापतीमुळे पहिल्या काही सामन्यांतून बाहेर पडले आहेत. तो संघात जाणार की नाही हे अद्यापही ठरलेले नाही. त्याचवेळी वानिंदू हसरंगा न्यूझीलंडविरुद्ध टी-20 मालिका खेळण्यात व्यस्त आहे. काही सामन्यांनंतर तो आरसीबी संघात सामील होईल. त्याचवेळी मुंबई इंडियन्ससाठी बुमराहशिवाय जे रिचर्डसनही दुखापतग्रस्त आहे. बुमराहच्या जागी मुंबईने संदीप वारियरला संघात सामील केले आहे.
रॉयल चॅलेंजर्स बंगलोर
बेंगळुरूचे प्लेइंग-11
संभाव्य 11 (RCB) काय असू शकते: फाफ डुप्लेसिस (कर्णधार), विराट कोहली, महिपाल लोमरोर, ग्लेन मॅक्सवेल, मायकेल ब्रेसवेल, दिनेश कार्तिक (विकेटकीपर), शाहबाज अहमद, हर्षल पटेल, आकाश दीप, रीस टोपले मोहम्मद सिराज .
मुंबईने चे प्लेइंग 11
(MI): रोहित शर्मा (क), इशान किशन (विकेटकीपर), सूर्यकुमार यादव, तिलक वर्मा, टिम डेव्हिड, कॅमेरॉन ग्रीन, रमणदीप सिंग, जोफ्रा आर्चर, हृतिक शोकीन, संदीप वॉरियर, जेसन बेहरेनडॉर्फ.
