Publish Date: Tue, 26 Mar 2024 (10:02 IST)
Updated Date: Tue, 26 Mar 2024 (10:05 IST)
भारतीय क्रिकेट नियामक मंडळाच्या (बीसीसीआय) सूत्रांनी दिलेल्या माहितीनुसार, इंडियन प्रीमियर लीग (आयपीएल) चा अंतिम सामना 26 मे रोजी चेन्नईच्या एमए चिदंबरम स्टेडियमवर खेळवला जाईल. एक क्वालिफायर आणि एक एलिमिनेटर अहमदाबादच्या नरेंद्र मोदी स्टेडियमवर तर दुसरा क्वालिफायर चेन्नईमध्ये होणार असल्याची माहिती आहे.
बीसीसीआयच्या एका वरिष्ठ अधिकाऱ्याने पीटीआयला सांगितले की, “आयपीएल गव्हर्निंग कौन्सिलने गेल्या वर्षीच्या गतविजेत्या (चेन्नई सुपर किंग्ज) च्या घरच्या मैदानावर सुरुवातीचे सामने आणि अंतिम सामने आयोजित करण्याची परंपरा पाळली आहे. ''बीसीसीआयने सार्वत्रिक निवडणुकीच्या तारखा लक्षात घेऊन उर्वरित आयपीएल सामन्यांचे वेळापत्रक निश्चित केले आहे आणि ते लवकरच जाहीर केले जाईल.
