जम्मू-काश्मीरमधील विधानसभेचा तिसरा आणि शेवटचा टप्पा निर्णायक असेल.मंगळवारी या टप्प्यात सर्वाधिक 40 जागांवर मतदान होणार आहे.जम्मू विभागातील 24 जागांवर आणि उत्तर काश्मीरमधील बांदीपोरा, कुपवाडा आणि बारामुल्ला येथील 16 जागांवर सकाळी 7 वाजल्यापासून मतदान सुरु झाले आहे.
शेवटच्या टप्प्यातील मतदानासाठी कडेकोट सुरक्षा व्यवस्था ठेवण्यात आली आहे. सोमवारी सातही मतदान जिल्ह्य़ांसाठी मतदान पक्ष रवाना झाले, सायंकाळी उशिरापर्यंत ते आपापल्या स्थळी पोहोचले. निवडणुकीत कोणताही गोंधळ होऊ नये म्हणून 86 हजार सुरक्षा कर्मचारी तैनात करण्यात आले आहेत. एकूण 39.18 लाख मतदार 415 उमेदवारांचे भवितव्य ठरवणार आहेत.
तिसऱ्या टप्प्यात सात जिल्ह्यांतील 40 जागांवर मतदान होत आहे. 39 लाखांहून अधिक मतदार मतदान करणार आहेत. उत्तर काश्मीरमधील बांदीपोरा, कुपवाडा आणि बारामुल्ला जिल्ह्यांतील कर्नाह, त्रेहगाम, कुपवाडा, लोलाब, हंदवाडा, लंगेट, सोपोर, रफियााबाद, उरी, बारामुल्ला, गुलमर्ग, वाघोरा-क्रेरी, पट्टण, सोनवारी, बांदीपोरा,गुरेझ (एसटी) मधील16 विधानसभा जागा मात्र 40 हजार सुरक्षा कर्मचारी तैनात करण्यात आले आहेत.
जम्मू विभागातील कठुआ जिल्ह्यातील बानी, बसोली, कठुआ, जसरोटा आणि हिरानगर या जागांवर 10 हजार सुरक्षा कर्मचारी असतील. बिश्नाह (SC), सुचेतगड (SC), आरएस पुरा-जम्मू दक्षिण, बहू, जम्मू पूर्व, नागरोटा, जम्मू पश्चिम, जम्मू उत्तर, अखनूर (SC), जम्मू जिल्ह्याच्या छंब जागांवर आणि उधमपूर पश्चिम, उधमपूर पूर्व उधमपूर चिननी, रामनगर (SC) जागांवर 10 हजार सुरक्षा कर्मचारी तैनात करण्यात आले आहेत. सांबा जिल्ह्यातील विजयपूर, रामगड आणि सांबा या जागांवर सहा हजार सुरक्षा कर्मचाऱ्यांच्या देखरेखीखाली मतदान होणार आहे.
