गेल्या काही वर्षांपासून महाराष्ट्राबाहेरूनही आंबा विक्रीसाठी येत होता. हापूस म्हणून या आंब्यांची सर्रास विक्री होत होती. एप्रिल २०१७ मध्ये रत्नागिरी आणि देवगडच्या हापूसला पेटंट मिळाले. त्यानंतर हापूसच्या पेटंटबद्दलचा वाद निर्माण झाला. गुजरात, कर्नाटक, मद्रास आणि महाराष्ट्राकडून हापूसच्या पेटंटसाठी अर्ज करण्यात आला. त्यावर मुंबईतील इंडियन पेटंट कार्यालयात सुनावणी झाली. या सुनावणीत हापूस आंबा हा कोकणचाच असून इतर राज्यांतून आलेल्या आंब्यांना हापूस हे नाव मिरवता येणार नाही असा निर्णय देण्यात आला, अशी माहिती पेटंट आणि जीआय (जीऑग्राफिकल इंडिकेशन) तज्ञ प्रा. गणेश हिंगमिरे यांनी दिली.
