Gender Change In Meerut:वैद्यकीय शास्त्राने आता इतकी प्रगती केली आहे की, माणसाला हवे तसे जीवन जगता येते. मेरठमधील एलएलआरएम मेडिकल कॉलेजच्या सुपर स्पेशालिटी ब्लॉकमध्ये वरिष्ठ सर्जन डॉ. सुधीर राठी आणि त्यांच्या टीमने शस्त्रक्रियेनंतर दोन तरुणांना मुलगी बनवले. डॉ.राठी यांनी दावा केला की, वेस्टर्न यूपीच्या मेडिकल कॉलेजमध्ये पहिल्यांदाच नवीन तंत्रज्ञानाद्वारे पुरुषाचे महिलामध्ये रूपांतर करण्याची शस्त्रक्रिया करण्यात आली, जी सुमारे 4 तास चालली.या प्रक्रियेला सिग्मॉइड योनीनोप्लास्टी म्हणतात.
या तरुणापैकी एक मुझफ्फरनगर जिल्ह्यातील असून दुसऱ्याचे घर बिजनौर जिल्ह्यात आहे. एक 18 वर्षांचा तर दुसरा 24 वर्षांचा आहे.त्यांच्या कुटुंबीयांना त्यांची समस्या समजल्यावर त्यांनी वैद्यकीय महाविद्यालयाशी संपर्क साधला आणि त्यानंतर प्रशासनाच्या परवानगीची प्रक्रिया पूर्ण करून त्यांनी व त्यांच्या टीमने ही शस्त्रक्रिया केली.एकाला रुग्णालयातून डिस्चार्ज देण्यात आला आहे तर एकाला रुग्णालयात दाखल करण्यात आले आहे.
