नुकत्याच करण्यात आलेल्या एका शोधानुसार भारतीय लोक टीव्हीपेक्षाही जास्त वेळ मोबाइलमध्ये घालवतात हे समोर आले आहे. भारतीय यूजर्स आठवड्यातील ऑनलाइन व्हिडीओ कंटेन्ट बघण्यात सरासरी 8 तास 28 मिनिटे इतका वेळ खर्च करतात. तर हेच लोक टीव्ही बघण्यात आठवड्यातील 8 तास 8 मिनिटे इतका वेळ घालवतात. रिपोर्टनुसार, 'जितका वेळ भारतीय यूजर्स ऑनलाइन व्हिडीओ बघण्यात घालवतात, हे प्रमाण जागतिक प्राणापेक्षा अधिक आहे. हेच जागतिक प्रमाण 6 तास 45 मिनिटे इतकं आहे. ऑनलाइन चॅनल्समध्ये भारतीय प्रेक्षक सर्वात जास्त सिनेमे बघतात. त्यानंतर ऑनलाइन बघितल्या जाणार्‍या गोष्टींमध्ये न्यूज, टीव्ही शो आणि खेळ यांचा समावेश आहे.
