लोकसभा निवडणुकीच्या पाचव्या टप्प्यात सोमवारी (20 मे) मुंबईतील सहा जागांसह महाराष्ट्रातील 13 जागांवर मतदान होणार आहे. त्यासाठी कडक बंदोबस्त करण्यात आला आहे. मुंबई शहरात पोलीस होमगार्ड आणि केंद्रीय दलाचे सुमारे 35 हजार कर्मचारी ड्युटीवर तैनात करण्यात आले आहे.
मुंबईत होणाऱ्या लोकसभा निवडणुकीच्या दृष्टीने पाच अतिरिक्त आयुक्त, 27 उपायुक्त,77 सहाय्यक आयुक्त, 2475 पोलिस अधिकारी, 22 हजार हवालदार तैनात करण्यात आल्याचे वरिष्ठ अधिकाऱ्यांनी सांगितले.
याशिवाय दंगल नियंत्रण पोलिस (आरसीपी) च्या तीन तुकड्या, अतिरिक्त 5360 कॉन्स्टेबल, 6200 होमगार्ड कर्मचारी, केंद्रीय राखीव पोलिसांच्या दोन डझनहून अधिक कंपन्या मतदानाच्या दिवशी मुंबईत तैनात असतील.
त्याचबरोबर विशेष शाखेचे जवानही गुप्तचर माहिती गोळा करण्यासाठी आणि कायदा व सुव्यवस्था राखण्यासाठी सक्रिय असतात. क्विक रिस्पॉन्स टीम (क्यूआरटी), आर्थिक गुन्हे शाखा, सायबर पोलिस, प्रशासन कार्यालय, शहर पोलिसांची स्थानिक सशस्त्र शाखा इत्यादींचे कर्मचारीही निवडणूक बंदोबस्तासाठी तैनात करण्यात आले आहेत.
राज्यातील 160 संवेदनशील मतदान केंद्रावर काहीही अनुचित घडू नये या साठी मतदान केंद्रावर पोलिसांची अतिरिक्त दल ठेवण्यात आले आहे. मुंबईत सर्वाधिक 124 संवेदनशील मतदान केंद्र आहे. या ठिकाणी कडक पोलीस बंदोबस्त ठेवण्यात आला आहे. पोलीस, महाराष्ट्र सुरक्षा दलाचे जवान आणि निवडणूक कर्मचारी असलेल्या पथक वाहनांची तपासणी कसून केली जात आहे.
मतदान केंद्रावर मोबाईल नेण्यास मनाई करण्यात आली आहे. मुंबई महापालिकेचे सुमारे 70 हजार कर्मचारी निवडणुकीच्या कामासाठी तैनात करण्यात आले आहे.
