महाराष्ट्राचे उपमुख्यमंत्री अजित पवार यांचे सुपुत्र पार्थ पवार यांना राज्य सरकार ने वाय प्लस दर्जेची सुरक्षा देण्याचा निर्णय घेतला आहे. लोकसभा निवडणुकीच्या पार्श्वभूमीवर हा निर्णय घेण्यात आला आहे.
सध्या सर्वत्र लोकसभा निवडणुकीचा प्रसार आणि प्रचार जोरात सुरु आहे. राज्यात तापमानात वाढ झालेली असून सध्या उकाडा वाढत आहे. उन्हात देखील राजकीय मंडळी खेड्यात जाऊन लोकांना भेटत आहे. यंदा बारामती लोकसभा मतदार संघ हे अजित पवार यांच्यासाठी अत्यंत महत्त्वाचं आणि प्रातिष्ठेचं आहे. त्यामुळे त्यांचं कुटुंब प्रचारासाठी मैदानात उतरले आहे.
अजित पवार यांचे सुपूत्र पार्थ पवार देखील बारामती मतदार संघात जोमानं प्रचार करत आहे. त्यांना लोकसभा निवडणुकीच्या पार्श्वभूमीवर राज्य सरकारकडून वाय प्लस सुरक्षा देण्यात आली आहे.
बारामती मतदार संघात पवार कुटुंबातील सुनेत्रा पवार आणि सुप्रिया सुळे यांच्यात लढत होणार आहे. पार्थ आपल्या आईच्या सुनेत्रा पवारांसाठी प्रचार करत आहे. पार्थ बारामती लोकसभा मतदार संघातील कार्यकर्ता आणि नागरिकांशी संवाद साधत आहे. त्यांना वाय प्लस सुरक्षा देण्यात आली असून यावरून आश्चर्य व्यक्त केलं जात आहे.
