''रंगीबेरंगी'' साकारतोय!

PR

सारा मुवीज् निर्मित आणि राजेंद्र बडे दिग्दर्शित ''रंगीबेरंगी'' या‍ चित्रपटाचे चित्रिकरण पूर्ण झाले आहे.

चित्रपटातील कलाकारांची यादी वाचूनच रंगीबेरंगी बद्दल उत्सकुकता जागी होते. एकेकाळी मराठी चित्रपट रसिकांची मने जिंकणारे रविंद्र महाजनी यांचे पुनरागमन, नव्या जमान्यातले अघाडीचे अनिकेत विश्वासराव, मधुरा वेलणकर, हिंदी चित्रपटसृष्टीत व्यस्त मकरंद देशपांडे, मनोज जोशी, किरण करमरकर आणि सोबत आहेत मधु कांबीकर, हेमांगी कवी, प्रदीप वेलणकर, मेधा जांबोटकर, विद्या पटवर्धन, मिलींद सफई, श्रीरंग देशमुख, बालकलाकार हर्षदा पांचाळ आणि पाहुणे कलाकार उपेंद्र लिमये. शिवाय यांच्या पाठी आहे दमदार तंत्रज्ञांची टीम. कथा-पटकथा आहे संदीप कश्यप यांची. संवाद लिहिले आहेत संजय पवार यांनी. छायाचित्रण आहे देबू देवधर यांचे. कलादिग्दर्शन आहे एकनाथ कदम यांचे. संकलक आहेत अमित पवार.

PR

चित्रपटास पूरक अशी पाच गाणी लिहिली आहेत सुप्रसिद्ध गीतकार, गझलकार, चंद्रशेखर सानेकर यांनी. नव्या जमान्यातील धडाडीचे तरुण संगीतकार मिथिलेश पाटणकर यांचे संगीत आणि सुरेश वाडकर, बेला शेंडे, अवधूत गुप्ते, अजय गोगावले, अशोक हांडे, हृशिकेष कामेरकर यांचा आवाज या गाण्यांना लाभला आहे. नृत्य दिग्दर्शक आहेत उमेश जाधव.

चित्रपटाचे कार्यकारी निर्माते आहेत पवन वैद्य. चित्रपटाचे पोस्ट प्रॉडक्शन आराधना स्टुडिओ, अंधेरी येथे चालू आहे.

Share this Story:

• 
• 
• 

About Writer वेबदुनिया

वेबदुनियाच्या न्यूज डेस्क येथे आमचे वार्ताहर, विश्वसनीय स्रोत आणि अनुभवी पत्रकार यांनी तयार केलेले प्रत्यक्ष घटनास्थळावरील अहवाल, विशेष वृत्तांत, मुलाखती आणि रिअल-टाइम अपडेट्स प्रकाशित करण्यापूर्वी वरिष्ठ संपादकांकडून अत्यंत काटेकोरपणे तपासून घेतली जातात..... आणखी वाचा