महाराष्ट्रातील विधानसभेच्या 288 जागांसाठी 20 नोव्हेंबरला मतदान होत आहे. निवडणुकीपूर्वी पोलिसांनी बंदोबस्त वाढवला आहे. आचारसंहिता लागू झाल्यानंतर ठिकठिकाणी नाकाबंदी करण्यात येत आहे. जेणेकरून मोठ्या प्रमाणात रोख रक्कम किंवा मौल्यवान वस्तू निवडणुकीच्या वापरासाठी नेता येणार नाहीत.
दरम्यान, नाकाबंदीदरम्यान पोलिसांना वाहनात138 कोटी रुपयांचे सोने सापडले. या घटनेमुळे पुण्यात खळबळ उडाली आहे. सहकारनगर पोलिसांनी हे सोने एका टेम्पो मधून जप्त केले आहे.
या जप्तीनंतर हे सोने कोणाचे होते आणि कोणत्या उद्देशाने नेले जात होते, असे प्रश्न उपस्थित केले जात आहेत. याप्रकरणी पोलीस तपास करत आहेत.
हे सोने एका खासगी कंपनीचे असल्याचे सांगण्यात येत आहे. या सोन्याबाबत कंपनीला कागदपत्रे देण्यास सांगण्यात आले. कंपनीने आपली कागदपत्रे आयकर विभाग आणि निवडणूक आयोगाकडे सादर केली आहेत. हा टेम्पो एका खासगी लॉजिस्टिक कंपनीचा आहे. सोन्याने टेम्पो मुंबईहून पुण्याकडे जात असल्याचे आढळून आले.
सध्या आयकर विभाग आणि निवडणूक आयोगासह पोलीस या प्रकरणाचा तपास करत आहेत. चौकशीनंतर पुढील कारवाई केली जाईल. दोन दिवसांपूर्वी पुणे शहरातील खेड-शिवपूर परिसरात एका कारमधून सुमारे 5 कोटी रुपयांची रोकड जप्त करण्यात आली होती.
