Navneet Rana News : महाराष्ट्रातील अमरावती जिल्ह्यात जाहीर सभेत पोहोचलेल्या भाजप नेत्या आणि माजी खासदार नवनीत राणा आणि त्यांच्या समर्थकांवर काही लोकांनी हल्ला केला. एका अधिकारींनी सांगितले की, शनिवारी रात्री खल्लार गावात घडलेल्या घटनेच्या संदर्भात पोलिसांनी 45 जणांविरुद्ध एफआयआर नोंदवला आहे.
तसेच याप्रकरणी तिघांना ताब्यात घेण्यात आले आहे. अमरावती ग्रामीणचे पोलीस अधीक्षक विशाल आनंद यांनी सांगितले की, नवनीत राणा या त्यांच्या समर्थकांसह जाहीर सभेला जाण्यासाठी रात्री 10 वाजता आल्या होत्या. त्याचवेळी जमावातील काही लोकांनी आक्षेपार्ह शब्द वापरून अश्लील हावभाव केले. यानंतर त्यांच्या समर्थकांची जमावात उपस्थित आरोपींशी झटापट झाली.
मिळालेल्या माहितीनुसार हाणामारीत भाजप नेते आणि त्यांच्या साथीदारांवर खुर्च्या फेकण्यात आल्या. या घटनेनंतर राणा यांनी जवळच्या पोलीस ठाण्यात तक्रार दाखल केली.
या घटनेबाबत नवनीत राणा यांनी सांगितले की, आम्ही शांततेत प्रचार करत होतो, पण माझ्या भाषणादरम्यान काही लोकांनी अश्लिल हावभाव आणि मारहाण करण्यास सुरुवात केली. त्यानंतर त्यांनी ‘अल्लाहू अकबर’च्या घोषणा देण्यास सुरुवात केली. पक्षाच्या समर्थकांनी त्यांना माझ्याविरोधात अपशब्द वापरू नका, असे सांगताच त्यांनी खुर्च्या फेकण्यास सुरुवात केली. तसेच यानंतर पोलिसांनी नवनीत राणा यांच्या तक्रारीवरून गुन्हा दाखल केला असून तपास सुरु आहे.
