महाराष्ट्र विधानसभा निवडणुकीच्या निकालात भाजप आघाडीला बहुमत मिळाले आहे. राज्यात भाजप आणि मित्रपक्ष 141 जागांवर आघाडीवर आहेत. त्यामुळे या निवडणुकीत भाजप सर्वात मोठा पक्ष ठरला आहे.
महाराष्ट्रातील मोठ्या विजयानंतर पंतप्रधान नरेंद्र मोदी यांनी जनतेचे आभार मानले आहेत. हा विजय ऐतिहासिक असल्याचे त्यांनी सांगितले. यासोबतच राज्याच्या प्रगतीसाठी युती यापुढेही कार्यरत राहील, अशी ग्वाही त्यांनी महाराष्ट्रातील जनतेला दिली.
महाराष्ट्रातील महायुतीच्या विजयावर पंतप्रधान नरेंद्र मोदी म्हणाले की, "एकत्रित होऊन आपण आणखी उंच भरारी घेऊ. एनडीएच्या ऐतिहासिक विजयाबद्दल मी महाराष्ट्रातील बंधू-भगिनींचे, विशेषत: राज्यातील तरुण आणि महिलांचे आभार व्यक्त करतो. मी जनतेचे आभार मानतो की आमची आघाडी महाराष्ट्राच्या प्रगतीसाठी कार्यरत राहील.
पोटनिवडणुकीच्या निकालावर पंतप्रधान मोदींनीही प्रतिक्रिया दिली. ते म्हणाले, एनडीएच्या कार्यकर्त्यांनी तळागाळात केलेल्या प्रयत्नांचा मला अभिमान आहे आणि त्यांनी लोकांपर्यंत जाऊन सरकारचा अजेंडा सविस्तरपणे सांगितला.
