Select Your Language

Notifications

webdunia
webdunia
webdunia
webdunia

मकर संक्रांतीचा आवा, ज्योतिष दृष्टीने कोणती भेट वस्तू देणे योग्य जाणून घ्या

मकर संक्रांतीचा आवा, ज्योतिष दृष्टीने कोणती भेट वस्तू देणे योग्य जाणून घ्या
, सोमवार, 11 जानेवारी 2021 (16:36 IST)
मकर संक्रांती सणानिमित्त कुमारिका आणि सवाष्ण स्त्रिया 14 वस्तू आवा म्हणून वाटप करतात. या वस्तू श्रृंगार किंवा दैनंदिन वापरण्यात येणार्‍या वस्तू असतात. हळद-कुंकु समारंभ करुन या भेटवस्तू दिल्या जातात. यासाठी ज्योतिष दृष्टीने कोणती भेटवस्तू देणे योग्य ठरेल जाणून घ्या-
 
मेष : बांगड्या
बांगड्या सौभाग्याचे प्रतीक असून बांगड्या आणि कंगण याचे अनेक प्रकार सहज उपलब्ध असतात. आपण 14-14 असे सेट तयार करुन आवा म्हणून देऊ शकता.
 
वृषभ : दिवा आणि वस्त्र
तांबा, पितळ, चांदी, स्टील, मातीचे दिवे देऊ शकता. किंवा वस्त्र म्हणून रुमाल, मास्क, स्कार्फ, शॉल, स्टोल, चुनरी, कुर्ते, मोजे, लैगिंग्स इतर पर्याय निवडू शकता.
 
मिथुन : भांडी
संक्रातीसाठी लहान -मोठे आकर्षक भांडी बाजारात उपलब्ध असतात. यात वाट्या, चमचे, प्लेट, ग्लास, पूजेची भांडी, कळश व इतर वस्तू देऊ शकता. आपण आपल्या इच्छेप्रमाणे स्टीलच नव्हे तर पितळ ‍किंव चांदीचे भांडी देऊ शकता.
 
कर्क : टिकली किंवा कुंकू
कपाळावर लावल्या जाणार्‍या टिकल्यांचे विविध डिजाइन आणि वैरायटी कोणालाही आकर्षित करेल. आपण आपल्या बजेटनुसार बिंदी किंवा स्टाइलिश ‍डबीत कुंकु आवा म्हणून देऊ शकता.
 
सिंह : लाल कुंकु
आपल्या राशीसाठी कुंकु शुभ आहे. सुंदरश्या डबीत किंवा करंड्यात हळदीसह कुंकु द्यावे.
 
कन्या : चांदीचे जोडवे
वेगवेगळ्या डिजाइनमध्ये जोडवे उपलब्ध असतात. आपल्या राशीसाठी हा आवा उत्तम ठरेल.
 
तूळ : मोती
आपल्या राशीसाठी मोती शुभ आहे. आपण मोतीचे टॉप्स, बांगड्या, अंगठी, किंवा इतर पर्याय निवडू शकता.
 
वृश्चिक : चुनरी
कॉटन, रेशम, सिल्क, जॉर्जेट, शिफॉन, बंधेज, लहरिया, चुनरी प्रिंट, नेट इतर विविध प्रकारात चुनरी उपलब्ध असतात. आपल्या बजेटमध्ये आकर्षक दुप्पटा किंवा स्टोल खूपच छान दिसेल.
 
धनु : सौभाग्याच्या वस्तू
मंगळसूत्र, जोडवी, टिकल्या, श्रृंगाराच्या वस्तू व इतर फॅशनमध्ये असलेल्या कोणत्याही सौभाग्याच्या वस्तू आपण आवा म्हणनू देऊ शकता.
 
मकर : स्टील
आपल्या राशीचा स्वामी शनी आहे आणि स्टील (लोखंड) शनीचं प्रतिनिधित्व करतं. या राशीसाठी दरवर्षी स्टील भेट वस्तू म्हणून देणे अती उत्तम ठरेल. स्टीलच्या अनेक लहान-मोठ्या वस्तू बाजारात सहज उपलब्ध असतात. 
 
कुंभ : सुवासिक वस्तू
आपल्यासाठी साबण, उदबत्ती, चंदन, गुलाबाचे फुल, परफ्यूम, क्रीम, पॉवडर, अत्तर या सारख्या वस्तू ज्याने सुवास दरवळतो, भेटवस्तू म्हणून देणं योग्य ठरेल. 
 
मीन : पैंजण
आपल्यासाठी पैंजण देणे शुभ ठरेल. चांदीच्या व्यतिरिक्त इतर धातूने तयार पैंजण देखील देऊ शकता.

Share this Story:

Follow Webdunia marathi

पुढील लेख

गजानन महाराजांनी केलेले चमत्कार