Select Your Language

Notifications

webdunia
webdunia
webdunia
webdunia

श्री रामचंद्राची आरती

श्री रामचंद्राची आरती
, शुक्रवार, 30 जुलै 2021 (12:12 IST)
उत्कट साधुनी शिळा सेतू बांधोनी ।
लिंगदेह लंकापुरी विध्वंसूनी ।
कामक्रोधादिक राक्षस मर्दूनी ।
देह अहंभाव रावण निवटोनी ।। १ ।।
जय देव जय देव निजबोधा रामा ।
परमार्थे आरती, सद्भावे आरती,परिपूर्णकामा ।। धृ० ।।
 
प्रथम सीताशोधा हनुमंत गेला ।
लंका दहन करुनी अखया मारिला ।
मारिला जंबुमाळी भुवनी त्राहाटिला ।
आनंदाची गुढी घेऊनिया आला ।। २ ।।
 
निजबळे निजशक्ति सोडविली सीता ।
म्हणुनी येणे झाले अयोध्ये रघुनाथा ।
आनंदे ओसंडे वैराग्य भरता ।
आरती घेऊनी आली कौसल्यामाता ।। ३ ।।
 
अनाहतध्वनि गर्जती अपार ।
अठरा पद्मे वानर करिती भुभुःकार ।
अयोध्येसी आले दशरथकुमार ।
नगरीं होत आहे आनंद थोर ।। ४ ।।
 
सहजसिंहासनी राजा रघुवीर ।
सोहंभावे तया पूजा उपचार ।
सहजांची आरती वाद्यांचा गजर ।
माधवदास स्वामी आठव ना विसर ।। ५ ।।
 
जय देव जय देव जय निजबोधा रामा। 
परमार्थे आरती सद्भभावें 
 
काही ठिकाणी श्रीरामाच्या आरतीत प्रथमपुढील कडवे व नंतर उर्वरित कडवी म्हटली जातात.
 
स्वस्वरूपोन्मुखबुद्धि वैदेही नेली ।
देहात्मकाभिमाने दशग्रीवे हरिली ।
शब्दरूप मारुतीने सच्छुद्धि आणिली ।
तव चरणांबुजी येऊन वार्ता श्रृत केली ।
जय देव जय देव निजबोधा रामा ।। १ ।।

Share this Story:

Follow Webdunia marathi

पुढील लेख

कहाणी धरित्रीची