Beauty tips : हातांचा कोरडेपणा दूर करण्यासाठी या टिप्स अवलंबवा

लोक चेहऱ्याकडे लक्ष देतात, पण हाताकडे दुर्लक्ष करतात, असे दिसून येते. पण प्रत्यक्षात साबणापासून ते घाणीपर्यंत अनेक प्रकारच्या त्रासांना हाताला सामोरे जावे लागते. त्यामुळे हात कोरडे होण्याची समस्या अधिक आहे. असे बरेच लोक आहेत ज्यांचे हात खूप खडबडीत असतात आणि म्हणूनच लोकांना त्यांच्याशी पटकन हस्तांदोलन करणे आवडत नाही. काही उपायांचा अवलंब करून हातांच्या कोरडे पणाच्या या समस्येला बाय-बाय करू शकता. चला तर मग काय आहेत हे उपाय जाणून घेऊ या. 

1  बदामाच्या तेलाचा वापर -

हातांचा कोरडेपणा दूर करण्यासाठी, त्यास अतिरिक्त आर्द्रता प्रदान करणे आवश्यक आहे. बदामाच्या तेलामध्ये असलेले फॅटी अॅसिड  हात मऊ बनवण्यास मदत करतात. बदामाचे तेल हातावर चोळून असेच राहू द्या. हे दिवसातून एकदा तरी करा. असं केल्याने हाताचा कोरडेपणा कमी होईल.

2 कोरफडीचा वापर- 

हात मऊ ठेवण्यासाठी कोरफडीचा वापर करणे चांगले आहे. त्यात पॉलिसेकेराइड्सची चांगली मात्रा असते, हे त्वचा निरोगी पद्धतीने मॉइश्चरायझ ठेवते. थोडेसे कोरफडीचे जेल घेऊन हातावर चांगले घासून अर्ध्या तासानंतर धुवा. दिवसातून दोनदा असे केल्याने हात काही वेळात मऊ होतील.

3 साखरेच्या हॅन्ड स्क्रबचा वापर - 

बहुतेक प्रकरणांमध्ये, पृष्ठभागावर कोरड्या त्वचेच्या उपस्थितीमुळे हातांना पुरेसा ओलावा मिळत नाही. हे फ्लेक्स खालच्या निरोगी त्वचेला योग्य प्रकारे हायड्रेट होण्यापासून रोखतात. अशा परिस्थितीत साखरेच्या मदतीने हॅन्ड स्क्रब बनवता येतो. खोबरेल तेल आणि साखर यांचे थोडेसे मिश्रण करून लावल्यानं  हात एक्सफोलिएट करण्यात मदत करेल. 

4 पेट्रोलियम जेलीचा वापर करून मॉइस्चराइझ करा-

मॉइश्चरायझिंगच्या बाबतीत पेट्रोलियम जेली वापरणे नक्कीच चांगली कल्पना आहे. जेली हातावर लावा आणि रात्रभर तशीच ठेवा. असे दर रोज केल्याने हात पुन्हा मऊ होण्यास मदत होऊ शकते.

Edited By - Priya Dixit