रिझर्व्ह बँक ऑफ इंडियानं बँक ऑफ महाराष्ट्रला 1.12 कोटी रुपयांचा दंड ठोठावला आहे.
रिझर्व्ह बँक ऑफ इंडियाच्या (आरबीआय) काही नियमांचं पालन न केल्याप्रकरणी बँक ऑफ महाराष्ट्रला दोषी ठरवण्यात आलं आहे.
याशिवाय राजकोटच्या नागरिक सहकारी बँकेवर 12 लाख रुपये आणि हरियाणाच्या स्टेट को-ऑपरेटिव्ह बँकेला 25 लाखांचा दंड ठोठावण्यात आला आहे.
महाराष्ट्र बँकेवर केवायसी संदर्भातल्या काही नियमांचं उल्लंघन केल्याचा आरोप आहे.
रिस्क मॅनेजमेंटशी संबंधित नियमांना गांभीर्यानं न घेणं आणि बँकिगच्या वित्तीय आऊटसोर्सिंग नियमांना बगल दिल्यामुळे बँक ऑफ महाराष्ट्रला हा दंड ठोठावण्यात आल्याचं आरबीआयनं म्हटलं आहे.
बँकिग नियमनाशी संबंधित नियमांचं पालन न केल्यामुळे ही कारवाई करण्यात येत असल्याचं आरबीआयनं जाहीर केलं आहे.
या कारवाईचा बँकेचा तिच्या ग्राहकांसोबत होणाऱ्या देवाण-घेवाणीशी काहीएक संबंध नसल्याचंही आरबीआयनं स्पष्ट केलं आहे.
