व्यावसायिक एलपीजी सिलेंडरच्या दरात १९५.५० रुपयांची वाढ

Gas Price Hike: पश्चिम आशियातील सध्याच्या तणावाच्या पार्श्वभूमीवर, सरकारी कंपन्यांनी बुधवारी १९ किलोच्या व्यावसायिक एलपीजी सिलेंडरच्या दरात १९५.५० रुपयांनी वाढ केली. मात्र, घरगुती एलपीजी सिलेंडरच्या दरात कोणताही बदल झालेला नाही. घरगुती एलपीजीचे दर स्थिर आहेत.

पश्चिम आशियातील वाढत्या संघर्षामुळे जागतिक तेल दरात झालेल्या वाढीचा थेट परिणाम म्हणून व्यावसायिक सिलेंडरच्या दरात वाढ झाली आहे. नवीन दर लागू झाल्यानंतर, दिल्लीत १९-किलोग्राम व्यावसायिक एलपीजी सिलेंडरची किंमत आता ₹२,०७८.५० झाली आहे. यापूर्वी, सरकारी तेल कंपन्यांनी १ मार्च रोजी १९-किलोग्राम सिलेंडरच्या दरात ₹११४.५ ने वाढ केली होती. 

 सरकारने घरगुती एलपीजीच्या दरात कोणताही बदल जाहीर केलेला नाही. शेवटची दरवाढ ७ मार्च रोजी १४.२ किलोच्या सिलेंडरसाठी ६० रुपयांची होती. दिल्लीत हा सिलेंडर आता ९१३ रुपयांना उपलब्ध आहे.

सरकारी मालकीच्या इंडियन ऑइल कॉर्पोरेशन, भारत पेट्रोलियम आणि हिंदुस्तान पेट्रोलियम या कंपन्या आंतरराष्ट्रीय मानके आणि विनिमय दरांच्या आधारावर दर महिन्याच्या पहिल्या तारखेला एव्हिएशन टर्बाइन फ्युएल (एटीएफ) आणि एलपीजीच्या किंमती सुधारित करतात.

Edited By - Priya Dixit