इंधनाच्या आघाडीवर देशात सातत्याने महागाईचे चटके बसत आहेत. आज पुन्हा एकदा गॅस सिलिंडरच्या दरात वाढ झाली आहे. आता देशभरात घरगुती एलपीजी सिलिंडरची किंमत 1000 रुपयांच्या पुढे गेली आहे. आज घरगुती एलपीजी गॅस सिलेंडरच्या किमतीत 3 रुपये 50 पैशांनी वाढ झाली आहे. त्याचबरोबर व्यावसायिक गॅस सिलिंडर आठ रुपयांनी महागला आहे.
आज घरगुती एलपीजी सिलेंडरच्या दरात 3 रुपये 50 पैशांनी वाढ झाली आहे
आजपासून दिल्ली आणि मुंबईमध्ये 14.2 किलोचा घरगुती एलपीजी सिलिंडर 1003 रुपयांना मिळणार आहे. गेल्या एका वर्षात दिल्लीत घरगुती एलपीजी सिलिंडर 809 रुपयांवरून 1003 रुपयांवर गेला आहे. आज, एलपीजीची किंमत कोलकातामध्ये 1029 रुपये आणि चेन्नईमध्ये 1018.5 रुपये इतकी आहे, ज्यामुळे स्वयंपाक आणखी महाग झाला आहे.
यापूर्वी 7 मे रोजीही दरात वाढ करण्यात आली होती
याआधी 7 मे 2022 रोजी देशात घरगुती एलपीजी सिलिंडरच्या किंमतीत वाढ करण्यात आली होती आणि त्यावेळी प्रति सिलेंडर 50 रुपयांची मोठी वाढ करण्यात आली होती. यासोबतच मे महिन्यात घरगुती गॅस सिलिंडरच्या दरात दोनदा वाढ करण्यात आली आहे. त्याचबरोबर व्यावसायिक गॅस सिलिंडरची किंमतही आठ रुपयांनी महागली आहे.
देशातील प्रमुख शहरांमध्ये घरगुती एलपीजी सिलेंडरची किंमत जाणून घ्या (14.2 किलो)
दिल्ली - 1003 रुपये प्रति सिलेंडर
कोलकाता - 1029 रुपये प्रति सिलेंडर
मुंबई - 1002.50 रुपये प्रति सिलेंडर
चेन्नई - 1018.50 रुपये प्रति सिलेंडर
19 किलोच्या व्यावसायिक सिलेंडरची किंमत किती आहे?
दिल्ली- 2354 रुपये प्रति सिलेंडर
कोलकाता- 2454 रुपये प्रति सिलेंडर
मुंबई- 2306 रुपये प्रति सिलेंडर
चेन्नई - 2507 रुपये प्रति सिलेंडर
