RIL चा गुजरात सरकारशी करार: रिलायन्स इंडस्ट्रीज लिमिटेड (RIL) ने गुरुवारी गुजरात सरकारसोबत सामंजस्य करार केला आहे. हा सामंजस्य करार 5.95 लाख कोटी रुपयांच्या एकूण गुंतवणुकीसाठी आहे, जो व्हायब्रंट गुजरात समिट 2022 साठी गुंतवणूक प्रोत्साहन क्रियाकलापांचा एक भाग आहे. या प्रकल्पामुळे गुजरातमध्ये सुमारे 10 लाख प्रत्यक्ष आणि अप्रत्यक्ष रोजगाराच्या संधी निर्माण होतील.
गुजरातला निव्वळ शून्य आणि कार्बनमुक्त राज्य बनवण्यासाठी, रिलायन्सने 10-15 वर्षांच्या कालावधीत सुमारे 5 लाख कोटी रुपयांची गुंतवणूक करण्याचा निर्णय घेतला आहे. रिलायन्स 100 GW अक्षय ऊर्जा प्रकल्प आणि ग्रीन हायड्रोजन इको-सिस्टम विकासाद्वारे हे करेल. रिलायन्स एक इको-सिस्टम विकसित करेल, ज्यामुळे एसएमई आणि उद्योजकांना नवीन तंत्रज्ञान आणि नावीन्यपूर्णतेद्वारे वाढ होऊ शकेल.
रिलायन्सने एका निवेदनात म्हटले आहे की, कंपनीचे डीकार्बोनायझेशन आणि ग्रीन इको-सिस्टम उपक्रम पंतप्रधान नरेंद्र मोदी यांच्या दूरदृष्टीने प्रेरित आहेत. रिलायन्सने कच्छ, बनासकांठा आणि धोलेरा येथे 100 GW अक्षय ऊर्जा प्रकल्पांसाठी जमीन शोधणे सुरू केले आहे. कंपनीने कच्छमधील 4.5 लाख एकर जमिनीची मागणी प्रशासनाकडे केली आहे. या ऊर्जा प्रकल्पात रिलायन्स 60 हजार कोटींची गुंतवणूक करणार आहे.
याशिवाय, रिलायन्सकडून पुढील 3 ते 5 वर्षांत विद्यमान प्रकल्प आणि नवीन उपक्रमांमध्ये 25,000 कोटी रुपयांची गुंतवणूक केली जाईल. रिलायन्सने 3 ते 5 वर्षांत Jio नेटवर्क 5G वर अपग्रेड करण्यासाठी 7,500 कोटी रुपये आणि रिलायन्स रिटेलमध्ये 5 वर्षांत 3,000 कोटी रुपयांची गुंतवणूक करण्याचा प्रस्ताव देखील ठेवला आहे.
