भरत जाधव हा गुणी अभिनेता एक कलाकार असण्यासोबतच खऱ्या आयुष्यात एक चांगला मुलगादेखील आहे. आतापर्यंत आपल्या आई-वडिलांची प्रत्येक इच्छा पूर्ण करण्यासाठी धडपड करणाऱ्या भरत जाधवने एक कौतुकास्पद काम केल्याचं समोर आलं आहे. आपल्या आई-वडिलांच्या कष्टाची जाण राखत भरतने चक्क आई-वडिलांचं स्मारक उभारलं आहे. भरत जाधवने त्याच्या कोल्हापुरात असलेल्या शेतामध्ये आई-वडिलांचं स्मारक उभारलं आहे.
