इंदूरचे संस्थानिक रामचंद्र किबे यांनी आपली पत्नी लक्ष्मी यांच्या स्मृतिप्रीत्यर्थ चित्रपटगहाचे ‘किबे लक्ष्मी थिएटर’ असे नामकरण केले होते. मराठी चित्रपटांची मुहूर्तमेढ रोवणार्या प्रभात फिल्म कंपनीच्या विष्णूपंत दामले, एस. फत्तेलाल, व्ही शांताराम, केशवराव धायबर, सीताराम बी. कुलकर्णी या खंदया शिलेदारांनी हे चित्रपटगृह चालवण्याची जबाबदारी उचलली. प्रभात फिल्म कंपनीवरून या चित्रपटगृहाचे ‘प्रभात’ असे नामकरण करण्यात आले. प्रभात म्हटले की अयोध्येचा राजा, संत तुकाराम, रामशास्त्री, संत एकनाथ, माणूस, शेजारी अशा अनेक दर्जेदार कलाकृतींची श्रृंखला डोळ्यासमोर येते.
या भागीदारांपैकी विष्णुपंत दामले यांचे नातू विवेक दामले यांनी काही काळ या चित्रपटगृहाचे व्यवस्थापन सांभाळले. परंतु चित्रफटगृहाच्या कराराची मुदत संपुष्टात आल्यामुळे हे चित्रपटगृह 10 जानेवारी 2015 मध्ये त्यांनी सरदार किबे यांचे नातू अजय किबे यांच्याकडे हस्तांतरीत केले. त्यानंतर किबे थिएटर सुरेश आणि अजय किबे या बंधूंनी चालवायला घेतले. परंतु दुर्देवाने तीन महिन्यांपूर्वी त्यांचे निधन झाल्याने हे थिऐटर चालवायचे कसे हा प्रश्न अजय किबे यांना पडला आहे. त्यामुळे एकतर हे थिएटर कायमस्वरूपी बंद करायचे किंवा पुन्हा करारावर चालविण्यास द्यायचे असे दोनच पर्याय त्यांच्यासमोर आहेत. दुर्देवाने किबे थिएटर बंद करण्याचा निर्णय घेण्यात आला तर भारतीय चित्रपटसृष्टीच्या इतिहासात सुवर्णाक्षरांनी नोंदविले गेलेले हे ‘प्रभात पर्व’ काळाच्या पडद्याआड जाणार आहे.
