चेन्नई सुपर किंग्ज संघाला आयपीएल क्रिकेट स्पर्धेतून अपात्र ठरविण्याचे मत सर्वोच्च न्यायालयाने नोंदविल्याने या संघास मोठा धक्का बसला आहे. बेटिंगमध्ये गुरुनाथ मयप्पन हा फिक्सिंगमध्ये सहभागी असल्याचे उघड झाल्याने न्यायालयाने अशी टीप्पणी केली आहे.
बीसीसीआयला फटकारताना न्यायालयाने असे मत नोंदविले आहे की, गैरप्रकारामध्ये संघाच्या मालकाचा सहभाग असल्यास सबंधित संघाला अपात्र ठरवता येते, असा आयपीएलचा नियम आहे. मयप्पनचा फिक्सिंग प्रकरणात सहभाग असल्याचे स्पष्ट झाल्याने या संघाला खेळण्यास मनाई करावी, असे मत न्यायालयाने नोंदविल्याने सांगण्यात आले.
