महेला जयवर्धनेने टी-२० कर्णधारपद सोडले

FILE

टी-२० विश्वकरंडक फायनलमध्ये वेस्ट इंडीजविरुद्ध पराभूत झाल्यानंतर श्रीलंकन कर्णधार महेला जयवर्धनेने ट्वेंटी संघाचे कर्णधारपद सोडले आहे.

फायनलनंतर झालेल्या पत्रकारपरिषदेत त्याने ही घोषणा केली. टी-२० संघाचे कर्णधारपद सोडण्याबाबत निवडकर्त्यांसोबत स्पर्धेअगोदरच बोलणे झाले होते, असेही त्याने स्पष्ट केले.

जिंकण्या किंवा हरण्याशी त्याचा संबंध नसून श्रीलंका विश्वविजेता ठरला असता तरीही मला कर्णधारपद सोडावेच लागले असते. तरुण खेळाडूने ही जबाबदारी स्वीकारण्याची योग्य वेळ आहे, असे तो म्हणाला.

श्रीलंका विश्वविजेतेपदाच्या फायनलमध्ये येऊन आतापर्यंत चारदा पराभूत झाला आहे. त्यांनी १९९६ मध्ये वनडे विश्वकरंडक पटकावला होता.