भारतीय संघाचा युवा यष्टिरक्षक फलंदाज इशान किशन सध्या सय्यद मुश्ताक अली ट्रॉफीमध्ये खेळत आहे. शुक्रवारी झारखंडकडून खेळताना त्याने दमदार कामगिरी करत 27 चेंडूत संघाला विजय मिळवून दिला. ग्रुप सीचा सामना झारखंड आणि अरुणाचल प्रदेश यांच्यात मुंबईच्या वानखेडे स्टेडियमवर झाला होता. नाणेफेक जिंकून प्रथम फलंदाजी स्वीकारल्यानंतर अरुणाचल प्रदेश संघाने 20 षटकांत 10 गडी गमावून 93 धावा केल्या. प्रत्युत्तरात, इशान किशनच्या 77* धावांच्या स्फोटक खेळीमुळे झारखंडने पॉवरप्लेमध्येच सामना जिंकला.
26 वर्षीय यष्टीरक्षक फलंदाजाने स्फोटक खेळी खेळून संघाला विजय मिळवून देण्यात महत्त्वाची भूमिका बजावली. त्याने 300 पेक्षा जास्त स्ट्राइक रेटने 23 चेंडूंचा सामना केला आणि पाच चौकार आणि नऊ षटकार मारले. उत्कर्ष सिंगने त्यांना यात साथ दिली. त्याने सहा चेंडूत 13* धावा केल्या
इशान किशन या सामन्यात सामनावीर ठरला. यापूर्वी हिमाचल आणि मणिपूरविरुद्धच्या सामन्यात त्याने अनुक्रमे 20 आणि 24 धावा केल्या होत्या. सलग तीन विजयांसह त्यांचा संघ गुणतालिकेत तिसऱ्या स्थानावर पोहोचला आहे
