भारतीय महिला संघ ५ ऑक्टोबर रोजी कोलंबोमधील आर. प्रेमदासा स्टेडियमवर पाकिस्तानविरुद्धचा पुढील एकदिवसीय विश्वचषक सामना खेळणार आहे. या सामन्यासाठी टीम इंडिया कोलंबोमध्ये आली आहे आणि ३ ऑक्टोबर रोजी सराव सत्रादरम्यान एक विचित्र घटना घडली ३ ऑक्टोबर रोजी संघाच्या पहिल्या सराव सत्रादरम्यान एक साप आला. ज्यामुळे सर्वांनाच धक्का बसला. एका ग्राउंड ऑफिसरने स्पष्ट केले की हा साप विषारी नाही आणि तो चावत नाही. हा गरांडिया नावाच्या सापाची एक प्रजाती आहे, जो उंदरांची शिकार करतो.
भारतीय खेळाडू मध्यभागी असलेल्या विकेटवरून जाळ्यांकडे जात असतानाच तपकिरी साप नाल्या आणि स्टँडजवळ सरकताना दिसला. मैदानावर साप पाहून भारतीय खेळाडू घाबरले नाहीत तर त्याकडे मोठ्या उत्सुकतेने पाहत राहिले.
तसेच आता टीम इंडियाचा एकदिवसीय विश्वचषकात पुढील सामना पाकिस्तान महिला संघाविरुद्ध असेल, ज्यांच्याविरुद्ध त्यांचा एकदिवसीय विक्रम आतापर्यंत एकतर्फी राहिला आहे.
Edited By- Dhanashri Naik
