KKR vs SRH: अभिषेक शर्माने एक विशेष शतक पूर्ण केले

सनरायझर्स हैदराबाद आयपीएल २०२६ मधील आपला दुसरा सामना कोलकाता नाईट रायडर्सविरुद्ध ईडन गार्डन्स स्टेडियमवर खेळत आहे, जिथे अभिषेक शर्माने एक विशेष शतक पूर्ण केले.

नाणेफेक जिंकल्यानंतर केकेआरने प्रथम गोलंदाजी करण्याचा निर्णय घेतला. प्रथम फलंदाजी करताना सनरायझर्स हैदराबादने २० षटकांत २२६ धावा केल्या. या सामन्यात ट्रॅव्हिस हेड आणि अभिषेक शर्मा या सलामीच्या जोडीने पहिल्या विकेटसाठी ८२ धावांची भागीदारी करून सनरायझर्स हैदराबादला चांगली सुरुवात करून दिली, परंतु दोन्ही फलंदाजांना अर्धशतक पूर्ण करता आले नाही. अभिषेक शर्मा या सामन्यात ४८ धावा करून पॅव्हेलियनमध्ये परतला, पण त्याने निश्चितपणे एक विशेष शतक पूर्ण केले. एसआरएचसाठी हा पराक्रम करणारा अभिषेक, डेव्हिड वॉर्नरनंतर दुसरा खेळाडू ठरला आहे.

सनरायझर्स हैदराबादने आतापर्यंत आयपीएलमध्ये काही सर्वोत्कृष्ट खेळाडू पाहिले आहे, त्यापैकी सर्वात महत्त्वाचे म्हणजे त्यांचे माजी कर्णधार डेव्हिड वॉर्नर, ज्यांच्या नेतृत्वाखाली संघाने आयपीएल ट्रॉफीही जिंकली होती. सनरायझर्स हैदराबादसाठी आयपीएलमध्ये सर्वाधिक षटकार मारण्याचा विक्रम डेव्हिड वॉर्नरच्या नावावर आहे, त्याने एकूण १४३ षटकार मारले आहे. आता अभिषेक शर्मा आयपीएलमध्ये १०० किंवा त्याहून अधिक षटकार मारणारा सनरायझर्स हैदराबादचा दुसरा खेळाडू ठरला आहे. अभिषेक शर्मा २०१९ च्या आयपीएल हंगामात सनरायझर्स हैदराबादमध्ये सामील झाला आणि तेव्हापासून तो त्याच फ्रँचायझीसाठी खेळत आहे.

Edited By- Dhanashri Naik