बेंगळूर- टीम इंडियाचा कसोटी कर्णधार विराट कोहली, दक्षिण आफ्रिकेचा स्फोटक फलंदाज एबी डिव्हिलीयर्स व इंग्लंडचा जो रूट जगातील सर्वोत्तम तीन फलंदाज आहेत, असे मत ऑस्ट्रेलियाचा माजी सलामीवीर अॅडम गिलख्रिस्टने व्यक्त केले.
ऑस्ट्रेलियाच्या शिक्षण प्रतिनिधी मंडळासह कर्नाटकच्या मणिपाल दौर्‍यावर अॅडम आला आहे. मी सध्या भारतात आहे म्हणून असे बोलत नाही. तर ही वस्तुस्थिती आहे की विराट, एबी आणि रूट हे जगातील तीन सर्वोत्तम फलंदाज आहेत.
याचबरोबर गिलख्रिस्टने लंकेचा माजी फिरकीपटू मुरलीधरनला आतापर्यंतचा सर्वाधिक धोकादायक गोलंदाज म्हटले आहे. भारताला भारतीय भूमीत नमवणे कधीही सोपे नाही, असेही गिलख्रिस्टने यावेळी सांगितले.
