सध्या भारतीय क्रिकेटमध्ये लग्नाचा हंगाम सुरू आहे. तीन दिवसांपूर्वी म्हणजेच 23 जानेवारीला सलामीवीर केएल राहुलने बॉलिवूड अभिनेत्री अथिया शेट्टीशी लग्न केले. आता त्याच्यानंतर स्टार अष्टपैलू अक्षर पटेलनेही लग्नगाठ बांधली आहे.
भारतीय क्रिकेटपटू अक्षर पटेलने गुरुवारी वडोदरा येथे मेहा पटेलसोबत लग्नगाठ बांधली. अक्षरच्या मिरवणुकीचा व्हिडिओही समोर आला आहे.नवरदेव बनलेल्या अक्षराची गाडीत मिरवणूक निघाली.
त्याच्यासोबत कुटुंबीय बसलेले दिसले.टीम इंडियाचा अष्टपैलू खेळाडू त्याच्या लग्नामुळे न्यूझीलंडविरुद्धच्या वनडे मालिकेत सहभागी झाला नव्हता. अक्षरने त्यांच्या लग्नाचे कोणतेही फोटो किंवा व्हिडिओ शेअर केले नसले तरी ट्विटरवरील अनेक चाहत्यांनी त्यांच्या संस्मरणीय दिवसातील काही छायाचित्रे शेअर केली आहेत.
मेहा आणि अक्षर बऱ्याच दिवसांपासून रिलेशनशिपमध्ये असल्याची चर्चा होती. मेहा पटेल या व्यवसायाने आहारतज्ञ आणि पोषणतज्ञ आहेत आणि ती आहार योजना शेअर करत असते. ती लोकांशी डायटशी संबंधित माहितीही शेअर करते. मेहा इन्स्टाग्रामवर चांगलीच सक्रिय आहे.
रवींद्र जडेजाच्या दुखापतीनंतर अक्षर पटेल भारतीय संघात कायम आहे. आपल्या गोलंदाजीमुळे चर्चेत असलेल्या अक्षरने या काळात फलंदाजीतही छाप पाडली. लग्नानंतर अक्षर पटेल ऑस्ट्रेलियाविरुद्धच्या कसोटी मालिकेतून टीम इंडियात परतणार आहे. मात्र, रवींद्र जडेजा तंदुरुस्त असल्याने अक्षरला आगामी काळात भारतीय संघात आपले स्थान टिकवून ठेवणे सोपे जाणार नाही.अक्षर पटेलच्या लग्नाचे अनेक व्हिडिओ व्हायरल होत आहेत.
अक्षर पटेलने या वर्षाच्या सुरुवातीला श्रीलंकेविरुद्ध टी20 आणि एकदिवसीय मालिका खेळली होती, ज्यामध्ये त्याची कामगिरी उत्कृष्ट होती. आता भारतीय संघ आणि न्यूझीलंड यांच्यात तीन सामन्यांची टी-20 मालिका होणार आहे. अक्षरने लग्नासाठी या दोन्ही मालिकांमधून ब्रेक घेतला आहे.
