T20 विश्वचषकात बांगलादेशने श्रीलंकेचा 2 गडी राखून पराभव केला. बांगलादेशचा कर्णधार नझमुल हसन शांतोने नाणेफेक जिंकून प्रथम गोलंदाजी करण्याचा निर्णय घेतला,
या सामन्यात श्रीलंकेने प्रथम फलंदाजी करत 124 धावा केल्या. यानंतर बांगलादेश संघाने एक षटक शिल्लक असताना लक्ष्याचा पाठलाग केला. बांगलादेश संघाने T20 विश्वचषकाच्या इतिहासात प्रथमच श्रीलंका संघाचा पराभव केला आहे.
बांगलादेशकडून लिटन दास आणि तौहीद हिर्दॉय यांनी शानदार खेळी केली. या खेळाडूंमुळेच बांगलादेशचा संघ सामना जिंकण्यात यशस्वी ठरला आहे. बांगलादेशकडून लिटनने 36 तर तौहीदने 40 धावा केल्या. या दोन खेळाडूंमध्ये 63 धावांची भागीदारी झाली, जी या सामन्यात महत्त्वाची ठरली.
श्रीलंकेसाठी पथुम निसांकाने 28 चेंडूत 47 धावा केल्या. कुसल मेंडिन्सने 10 आणि धनंजय डी सिल्वाने 21 धावांचे योगदान दिले. कर्णधार वानिंदू हसरंगा आपले खातेही उघडू शकला नाही. अँजेलो मॅथ्यूजने 16 धावांचे योगदान दिले.
बांगलादेशकडून रिशाद हुसेनने 22 धावांत तीन तर मुस्तफिझूर रहमानने 17 धावांत तीन बळी घेतले. तस्किन अहमदने दोन गडी बाद केले. तंजीम हसनने 4 षटकात 24 धावा देत 1 बळी घेतला. सामन्यातील उत्कृष्ट गोलंदाजीबद्दल रिशाद हुसैनला सामनावीराचा पुरस्कार देण्यात आला.
