भारत आणि दक्षिण आफ्रिका यांच्यातील पाच सामन्यांच्या T20 मालिकेतील तिसरा सामना विशाखापट्टणम येथे खेळवला जाणार आहे. मंगळवारी होणाऱ्या या सामन्यात टीम इंडिया पुनरागमन करण्याचा प्रयत्न करेल. पाच सामन्यांच्या मालिकेतील पहिल्या सामन्यात भारताचा सात गडी राखून पराभव झाला होता, तर दुसऱ्या सामन्यात दक्षिण आफ्रिकेने चार विकेट राखून विजय मिळवला होता. सध्या या मालिकेत दक्षिण आफ्रिका 2-0 ने आघाडीवर आहे.
अशा परिस्थितीत भारतासाठी तिसरा टी-20 सामना करा किंवा मरा असा आहे. या सामन्यातील पराभवामुळे टीम इंडिया टी-20 मालिका गमावणार आहे. आता मालिका जिंकण्यासाठी भारताला सलग तिन्ही सामने जिंकावे लागणार आहेत. कर्णधार ऋषभ पंतची टीम इंडिया चाहत्यांनी भरलेली असून या संघात पुनरागमन करण्याची क्षमता आहे. अशा स्थितीत तिसरा टी-20 सामना खूपच रोमांचक होण्याची अपेक्षा आहे.
भारत आणि दक्षिण आफ्रिका यांच्यातील पाच सामन्यांच्या मालिकेतील तिसरा सामना मंगळवार, 14 जून रोजी विशाखापट्टणम येथील डॉ. वायएस राजशेखर रेड्डी ACA-VDCA क्रिकेट स्टेडियमवर खेळवला जाईल.भारत-दक्षिण आफ्रिका मालिकेचे प्रसारण करण्याचे अधिकार स्टार नेटवर्ककडे आहेत. त्यामुळे स्टार स्पोर्ट्सच्या वाहिनीवरही या सामन्याचे प्रक्षेपण होणार आहे.
संघ खालीलप्रमाणे आहेत
भारत: ऋषभ पंत (कर्णधार आणि विकेट किपर), ऋतुराज गायकवाड़, शान किशन, दीपक हुड्डा, श्रेयस अय्यर, दिनेश कार्तिक, हार्दिक पांड्या, वेंकटेश अय्यर, युजवेंद्र चहल, अक्षर पटेल, रवि बिश्नोई, भुवनेश्वर कुमार, हर्षल पटेल, आवेश खान, अर्शदीप सिंह, उमरान मलिक
दक्षिण आफ्रिका: टेम्बा बावुमा (कर्णधार), क्विंटन डी कॉक (विकेटकीपर), रीझा हेंड्रिक्स, हेनरिक क्लासेन, केशव महाराज, एडेन मार्कराम, डेव्हिड मिलर, लुंगी एनगिडी, एनरिक नॉर्टजे, वेन पार्नेल, ड्वेन प्रिटोरियस, कागिसो रबाडा, तबरीझ शम्सी स्टब्स, रुसी वान डर ड्यूसेन, मार्को यान्सेन.
