India vs New Zealand (IND vs NZ) 1st odi : भारतीय संघ आता श्रीलंकेनंतर न्यूझीलंडचे यजमानपद भूषवणार आहे. दोन्ही संघांमध्ये तीन एकदिवसीय सामन्यांची मालिका खेळवली जाणार आहे. या मालिकेतील पहिला एकदिवसीय सामना 18 जानेवारी बुधवारी हैदराबादच्या राजीव गांधी आंतरराष्ट्रीय स्टेडियमवर होणार आहे. भारतीय वेळेनुसार दुपारी 1.30 वाजता खेळवला जाईल. नाणेफेक दुपारी 1 वाजता होईल.
दोन्ही संघांमध्ये आतापर्यंत 16 एकदिवसीय मालिका खेळली गेली आहे. यादरम्यान भारताने आठ आणि न्यूझीलंडने सहा विजय मिळवले आहेत. दोन मालिका अनिर्णित राहिल्या.
न्यूझीलंड मालिकेसाठी भारताचा एकदिवसीय संघ: रोहित शर्मा (कर्णधार), हार्दिक पंड्या (उपकर्णधार), शुभमन गिल, इशान किशन (यष्टीरक्षक), विराट कोहली, सूर्यकुमार यादव, केएस भरत (यष्टीरक्षक), रजत पाटीदार, वॉशिंग्टन सुंदर, शाहबाज अहमद, शार्दुल ठाकूर, युझवेंद्र चहल, कुलदीप यादव, मोहम्मद शमी, मोहम्मद सिराज, उमरान मलिक.
भारत विरुद्ध न्यूझीलंड मालिका पूर्ण वेळापत्रक
भारत जानेवारी-फेब्रुवारीमध्ये सहा सामन्यांसाठी न्यूझीलंडचे आयोजन करेल. यादरम्यान दोन्ही संघांमध्ये तीन टी-20 आणि तीन एकदिवसीय सामने खेळवले जातील. इंदूर, रांची आणि लखनौलाही प्रत्येकी एका सामन्याचे यजमानपद मिळाले आहे. भारत-न्यूझीलंड तिसरा एकदिवसीय सामना 24 जानेवारीला इंदूरमध्ये होणार आहे. त्याच वेळी, पहिला टी-20 रांचीमध्ये 27 जानेवारीला खेळवला जाईल. भारत-न्यूझीलंड दुसरा टी-20 सामना 29 जानेवारी रोजी लखनौच्या एकना स्टेडियमवर खेळवला जाईल. अहमदाबादमध्ये मालिका संपणार आहे.
