रोहित शर्माच्या नेतृत्वाखाली टीम इंडियाने चांगली कामगिरी केली आहे. संघाने दुसऱ्या T20 मध्ये वेस्ट इंडिजचा (भारत विरुद्ध वेस्ट इंडिज) 8 धावांनी पराभव केला. यासह संघाने 3 सामन्यांच्या मालिकेत 2-0 अशी आघाडी घेतली आहे. प्रथम खेळताना भारताने 5 गड्यांच्या मोबदल्यात 186 धावा केल्या. विराट कोहली आणि ऋषभ पंत यांनी अर्धशतकं ठोकली. प्रत्युत्तरात वेस्ट इंडिजचा संघ 3 बाद 178 धावाच करू शकला. भारतीय संघाने वेस्ट इंडिजविरुद्ध सलग 10वी द्विपक्षीय मालिका जिंकली आहे. यामध्ये 2 कसोटी मालिका, 4 एकदिवसीय मालिका आणि 4 टी-20 मालिका समाविष्ट आहेत.
तत्पूर्वी, वेस्ट इंडिजचा कर्णधार किरन पोलार्डने नाणेफेक जिंकून प्रथम गोलंदाजी करण्याचा निर्णय घेतला. भारताची सुरुवात चांगली झाली नाही. सलामीवीर इशान किशनला शेल्डन कॉट्रेलने अवघ्या 2 धावांवर बाद केले. कर्णधार रोहित शर्माने विराट कोहलीसोबत दुसऱ्या विकेटसाठी 49 धावांची भागीदारी केली. रोस्टन चेसच्या चेंडूवर 19 धावा करून रोहित बाद झाला. त्याने दोन चौकार आणि एक षटकार मारला. माजी भारतीय कर्णधाराने 41 चेंडूंत सात चौकार आणि एक षटकाराच्या मदतीने 52 धावांची खेळी केली. त्याचे टी-20 कारकिर्दीतील हे 30 वे अर्धशतक आहे.
गेल्या सामन्याचा हिरो सूर्यकुमार यादव ने चांगली कामगिरी केली नाही. यावेळी स्फोटक यष्टीरक्षक फलंदाज ऋषभ पंतच्या बॅटने धाव घेतली. पंतने अवघ्या २८ चेंडूंत सात चौकार आणि एका षटकाराच्या मदतीने ५२ धावांची खेळी केली. व्यंकटेश अय्यरने आज फिनिशरची भूमिका बजावली. त्याने 18 चेंडूंत चार चौकार आणि एका षटकाराच्या मदतीने 33 धावा केल्या. वेस्ट इंडिजकडून फिरकीपटू रोस्टन चेसने 4 षटकांत 25 धावा देत तीन बळी घेतले. शेल्डन कॉट्रेल आणि रोमारियो शेफर्ड यांनी प्रत्येकी एक विकेट घेतली.
