भारत-ऑस्ट्रेलिया दरम्यान खेळल्या गेलेल्या बॉर्डर-गावसकर कसोटी मालिकेत टीम इंडियाने शानदार मैदानात चमक दाखवत ऑस्ट्रेलियाला त्याच मैदानावर 2-1 असे हरवले. भारताच्या या ऐतिहासिक विजयानंतर प्रत्येक क्रिकेट चाहता टीम इंडियाचे कौतुक करीत आहे. भारतीय खासदार थरूर यांनीही टीम इंडियाचे अभिनंदन केले, पण आपल्याच शैलीत त्यांनी ऑस्ट्रेलियाला ट्रोल केले.
केरळमधील काँग्रेसचे खासदार शशी थरूर यांनी ऑस्ट्रेलियाच्या माजी क्रिकेटपटूंना भारताच्या ऐतिहासिक विजयावरून ट्रोल केले. थरूर यांनी एक ट्विट शेअर केले आहे ज्यात अनेक माजी क्रिकेटर्सने भारताच्या पराभवाचा दावा केला होता. थरूर यांनी एक इंग्रजी शब्द लिहिला, 'आजचा शब्द आहे - एपिक्राकेसी - आज ही टिप्पणी वाचून मला विशेष आनंद झाला. जेव्हा सर्व काही सांगितले गेले आहे, तेव्हा म्हणायला काहीच उरलेले नाही, पण शानदार आहे. 'एपिक्राकेसी - या विशिष्ट शब्दाचा अर्थ इतरांच्या दुर्भाग्यावर हसणे आहे.
शशी थरूरने एवढंच नव्हे तर ऑस्ट्रेलियाचा माजी कर्णधार मायकेल क्लार्कलाची पण चुटकी घेतली. "जर कर्णधार कोहलीशिवाय भारताने ऑस्ट्रेलियाचा पराभव केला तर तो एक वर्षांपर्यंत साजरा करेल," असे क्लार्कने म्हटले होते. शशी थरूर यांनी रिट्वीटमध्ये लिहिले की, "मायकेल क्लार्क बरोबर आहेत, पुढच्या महिन्यात इंग्लंडला हरवून एक वर्ष साजरा करूया." भारतीय संघाचा कार्यवाहक कर्णधार अजिंक्य राहणे यांचेही थरूर यांनी कौतुक केले. शशी थरूर क्रिकेटविषयी सतत ट्विट करत असतात. यापूर्वी त्यांनी संजू सॅमसनबद्दलही एक स्टेटमेंट दिले होते, त्याबद्दल बरीच चर्चा झाली होती.
भारताने ऑस्ट्रेलियाला पराभूत करून केवळ कसोटी मालिका जिंकली नाही, तर कसोटी अजिंक्यपद स्पर्धेच्या पॉइंट टेबलमध्ये न्यूझीलंडला नमवून अव्वल स्थानही मिळवले आहे. पुढील महिन्यात भारताला इंग्लंडविरुद्ध कसोटी मालिका खेळायची आहे. या मालिकेसाठी कर्णधार विराट कोहली आणि वेगवान गोलंदाज इशांत शर्मा संघात परतले आहेत.
