इंडियन प्रीमियर लीग (IPL) 2021 चा दुसरा टप्पा सुरू झाला आहे, पण सनरायझर्स हैदराबाद (SRH) ची स्थिती पहिल्या टप्प्यात होती तशीच आहे. सनरायझर्स हैदराबादला बुधवारी दिल्ली कॅपिटल्सविरुद्धच्या एकतर्फी सामन्यात आठ गडी राखून पराभव पत्करावा लागला. एसआरएचचे मुख्य प्रशिक्षक ट्रेवर बेलिस म्हणाले की, वेगवान गोलंदाज टी नटराजनची कोविड -19 चाचणीमध्ये अहवाल सकारात्मक आल्यामुळे दिल्ली कॅपिटल्सविरुद्ध संघाच्या कामगिरीवर परिणाम झाला नाही कारण खेळाडूंना अशा परिस्थितीची सवय असते.
एसआरएचच्या उर्वरित सदस्यांचा निगेटिव्ह अहवाल आल्यानंतर हा सामना खेळला गेला, ज्यात दिल्ली कॅपिटल्स आठ गडी राखून विजयी झाली. बेलिस सामन्यानंतर म्हणाले, 'मला वाटत नाही की याचा सामन्याच्या निकालावर परिणाम झाला असेल. ते (दिल्ली कॅपिटल्स) आमच्यापेक्षा खूप चांगले खेळले. "नटराजन या सामन्यात खेळणार होते पण ते सर्व व्यावसायिक खेळाडू आहेत. कोणत्याही सामन्याआधी एखादा खेळाडू दुखापतीमुळे बाहेर होऊ शकतो आणि त्याच्या जागी नवीन खेळाडू आणावा लागतो. त्यामुळे सर्व खेळाडूंना अशा परिस्थितीची सवय आहे. मला आशा आहे की नट्टू (नटराजन) लवकर बरे होतील.
बेलीस म्हणाले की, दिल्ली कॅपिटल्सच्या गोलंदाजांनी खेळपट्टीचा चांगला वापर केला आणि त्यांच्या संघाच्या विजयाचे श्रेय त्यांना जाते. दक्षिण आफ्रिकेचा वेगवान गोलंदाज कागिसो रबाडा (37 धावांत 3) आणि एनरिक नॉर्टजे (12 धावांत 2) यांनी शानदार गोलंदाजी केल्याने दिल्ली कॅपिटल्सने SRH ला नऊ बाद 134 धावांवर रोखले. दिल्लीने 17.5 षटकांत लक्ष्य गाठले. बेलीस म्हणाले, 'दिल्लीला श्रेय द्या.त्याने खरोखर चांगली गोलंदाजी केली. त्यांच्याकडे जागतिक दर्जाचे गोलंदाज आहेत आणि आज त्यांचा दिवस होता. त्यांच्या गोलंदाजांनी विकेटचा चांगला वापर केला.
