मुंबई- आयपीएलमधील कोलकता नाईट रायडर्स संघाचा मालक शाहरूख खान याने पाकिस्तान प्रिमियर लीगमधील पेशावर झल्मी संघाविरूद्ध ट्वेंटी-20 मालिका खेळविण्याची इच्छा व्यक्त केली आहे.
पेशावर झल्मी संघाचा मालक जावेद आफ्रिदीकडे शाहरूखने याबाबतची विचारणा देखील केली आहे. नुकेतच पेशावर झल्मी संघाने पीपीएलचे जेतेपद पटकावले. शाहरूखने पेशावर झल्मी संघाला शुभेच्छा देत आगामी काळात कोलकता नाईट रायडर्स संघाविरूद्ध ट्वेंटी-20 मालिका खेळवण्याची इच्छा व्यक्त केली.
भारत आणि पाकिस्तानच्या सरकराने परवानगी दिल्यास दोन्ही संघांमध्ये ट्वेंटी-20 मालिकेचे आयोजन करता येईल. जावेद आफ्रिदी यांनी याबाबतची माहिती तेथील पत्रकाराशी बोलताना दिली. दोन्ही देशांमध्ये तणावाचे वातरावरण असले तरीसुद्धा एका तटस्थ ठिकाणी मालिकेचे आयोजन नक्कीच करता येईल, असे जावेद आफ्रिदीचे म्हणणे आहे.
