Lahiru Thirimanne Retirement :2023 च्या विश्वचषकापूर्वी श्रीलंकेच्या क्रिकेटला मोठा धक्का बसला आहे. 33 वर्षीय अनुभवी फलंदाज लाहिरू थिरिमानेने आंतरराष्ट्रीय क्रिकेटमधून निवृत्तीची घोषणा केली. त्याने आपल्या सोशल मीडियावर निवृत्तीची पुष्टी केली. हा डावखुरा खेळाडू गेल्या एक वर्षापासून संघाबाहेर आहे.
लाहिरू थिरिमानेने सोशल मीडियावर चाहत्यांसाठी एक भावनिक पोस्ट शेअर केली आहे.
लाहिरू थिरिमानेने इंस्टाग्रामवर लिहिले: "माझ्या देशासाठी खेळणे ही माझ्यासाठी अभिमानाची बाब आहे. गेल्या 13 वर्षांत मी केलेल्या सुंदर आठवणींसाठी धन्यवाद. माझ्या प्रवासादरम्यान तुमच्या शुभेच्छांबद्दल धन्यवाद. पुढच्या टप्प्यावर भेटू."
श्रीलंकेचा फलंदाज लाहिरू थिरिमानेने आंतरराष्ट्रीय क्रिकेटमधून निवृत्ती जाहीर केली आहे. 33 वर्षीय खेळाडूने 2010 मध्ये भारताविरुद्ध आंतरराष्ट्रीय क्रिकेटमध्ये पदार्पण केले होते. लाहिरूचे हे पदार्पण वनडे फॉरमॅटमध्ये होते. आणि त्याचे कसोटी पदार्पण 2011 मध्ये झाले.
त्याने 12 वर्षांच्या कारकिर्दीत 44 कसोटी, 127 एकदिवसीय आणि 26 टी-20 आंतरराष्ट्रीय सामने खेळले. कसोटी फॉरमॅटमध्ये लाहिरूने 2088 धावा नोंदवल्या आहेत ज्यात तीन शतके आणि 10 अर्धशतकांचा समावेश आहे. याशिवाय लाहिरूने वनडेमध्ये 3194 धावा केल्या आहेत.
या फॉरमॅटमध्ये लाहिरूच्या नावावर चार शतके आणि 21 अर्धशतके आहेत. यासोबतच त्याने आंतरराष्ट्रीय टी-20मध्ये 291 धावा केल्या आहेत. थिरिमानेने श्रीलंकेचे तीन T20 विश्वचषकांमध्ये प्रतिनिधित्व केले आहे, ज्यात 2014 च्या विश्वचषक स्पर्धेत त्याचा संघ चॅम्पियन बनला होता. एकदिवसीय सामन्यांमध्ये दोन विश्वचषकही खेळले.
