भारतीय संघाचा माजी कर्णधार महेंद्रसिंग धोनीचा आयसीसी हॉल ऑफ फेममध्ये समावेश करण्यात आला आहे. या यादीत समावेश होणारा धोनी हे 11 वे भारतीय खेळाडू आहे. आयसीसीने सोमवारी ही माहिती दिली.
धोनीव्यतिरिक्त दक्षिण आफ्रिकेचा माजी फलंदाज हाशिम अमला, ऑस्ट्रेलियाचा माजी फलंदाज मॅथ्यू हेडन, दक्षिण आफ्रिकेचा माजी कर्णधार ग्रॅमी स्मिथ, न्यूझीलंडचा माजी फिरकी गोलंदाज डॅनियल व्हेटोरी, पाकिस्तान महिला संघाची खेळाडू सना मीर आणि इंग्लंड महिला संघाची खेळाडू सारा टेलर यांचाही या यादीत समावेश करण्यात आला आहे.
धोनीने आंतरराष्ट्रीय क्रिकेटमधून निवृत्ती घेतल्यापासून जवळजवळ पाच वर्षे झाली आहेत. धोनीने 2019 च्या एकदिवसीय विश्वचषकाच्या उपांत्य फेरीत भारतासाठी शेवटचा सामना खेळला. तो सामना भारत गमावून स्पर्धेतून बाहेर पडला. त्यानंतर धोनीने भारतासाठी एकही सामना खेळला नाही आणि त्यानंतर 15 ऑगस्ट 2020रोजी आंतरराष्ट्रीय क्रिकेटमधून निवृत्ती घेण्याचा निर्णय घेतला.
धोनी हा भारताचा एकमेव कर्णधार आहे ज्यांच्या नेतृत्वाखाली संघाने तीन आयसीसी जेतेपदे जिंकली आहेत. याशिवाय, त्याच्या नेतृत्वाखाली भारताने2010, 2016 मध्ये आशिया कपचे जेतेपदही जिंकले. धोनीने 2004 मध्ये बांगलादेशविरुद्ध भारतासाठी पदार्पण केले.
धोनी हे आयसीसी हॉल ऑफ फेममध्ये समाविष्ट होणारे 11 वे भारतीय खेळाडू आहे. त्याच्या आधी नीतू डेव्हिड, वीरेंद्र सेहवाग, डायन एडुलजी, विनोद मंकड, सचिन तेंडुलकर, राहुल द्रविड, अनिल कुंबळे, कपिल देव, बिशन सिंग बेदी आणि सुनील गावस्कर यांना हा सन्मान मिळाला.
भारतीय क्रिकेट नियामक मंडळाने (बीसीसीआय) धोनीचे आयसीसी हॉल ऑफ फेममध्ये समावेश झाल्याबद्दल अभिनंदन केले आहे. बीसीसीआयने x वर लिहिले आहे की, भारतीय संघाचे दिग्गज माजी कर्णधार महेंद्रसिंग धोनीचे आयसीसी हॉल ऑफ फेममध्ये समावेश झाल्याबद्दल खूप खूप अभिनंदन.
