शुभमन गिल इंग्लंड दौऱ्यावर खूप चांगली कामगिरी करत चौथ्या कसोटी सामन्यातही शतक झळकावले आहे, जे सध्या सुरू असलेल्या कसोटी मालिकेतील त्याचे चौथे शतक आहे.
शुभमन गिलने इंग्लंडविरुद्ध सुरू असलेल्या कसोटी मालिकेत आतापर्यंत एकूण715 धावा केल्या आहेत. यासह, तो कसोटी मालिकेत 700+ धावा करणारा दुसरा भारतीय कर्णधार बनला आहे.
त्याच्या आधी सुनील गावस्कर यांनी 1978/79 मध्ये वेस्ट इंडिजविरुद्धच्या कसोटी मालिकेत732 धावा केल्या होत्या. गावस्कर आणि गिल व्यतिरिक्त, इतर कोणत्याही भारतीय कर्णधाराला कसोटी मालिकेत 700+ धावा करता आलेल्या नाहीत.
कसोटी मालिकेत कर्णधार म्हणून सर्वाधिक शतके करण्याचा विश्वविक्रम डॉन ब्रॅडमन आणि सुनील गावस्कर यांच्या नावावर होता. ब्रॅडमन यांनी 1947/48 च्या कसोटी मालिकेत ऑस्ट्रेलियाविरुद्ध चार शतके आणि गावस्कर यांनी 1978/79 च्या कसोटी मालिकेत वेस्ट इंडिजविरुद्ध चार शतके ठोकली. आता शुभमन गिलने कर्णधार म्हणून इंग्लंडविरुद्धच्या कसोटी मालिकेत चार शतके ठोकली आहेत आणि या दोन्ही दिग्गजांच्या विक्रमाची बरोबरी केली आहे.
