दक्षिण आफ्रिकेने भारताचा तीन विकेट्सने पराभव केला. गुरुवारी विशाखापट्टणम येथे महिला विश्वचषकाचा एक रोमांचक सामना खेळवण्यात आला. या सामन्यात भारतीय महिला संघाने प्रथम फलंदाजी करताना रिचा घोषच्या 94 धावांच्या खेळीमुळे 49.5 षटकांत 10 विकेट्स गमावून 251 धावा केल्या.
प्रत्युत्तरात दक्षिण आफ्रिकेने 48.5 षटकांत सात विकेट्स गमावून 252 धावा केल्या आणि सामना जिंकला. त्यांच्याकडून कर्णधार लॉरा वोल्वार्डने 70 आणि नॅडिन डी क्लार्कने नाबाद 84 धावा केल्या. भारताकडून क्रांती गौड आणि स्नेह राणा यांनी प्रत्येकी दोन विकेट्स घेतल्या, तर अमनजोत कौर, श्री चरणी आणि दीप्ती शर्मा यांनी प्रत्येकी एक विकेट घेतली.
2025च्या एकदिवसीय विश्वचषकात भारतीय महिला क्रिकेट संघाला दक्षिण आफ्रिकेविरुद्ध तीन विकेट्सने पराभव पत्करावा लागला. टीम इंडियाने त्यांचे मागील दोन्ही सामने जिंकले होते आणि सलग तिसऱ्या विजयाचे लक्ष्य ठेवले होते. प्रथम फलंदाजी करताना भारतीय संघ 49.5 षटकांत 251 धावांवर सर्वबाद झाला.
या लक्ष्याचा पाठलाग करताना दक्षिण आफ्रिकेच्या महिला संघाने 142 धावांवर सहा विकेट गमावल्या होत्या, परंतु नॅडिन डी क्लार्क आणि क्लोई ट्रेऑन यांच्यातील सातव्या विकेटसाठी 69 धावांच्या भागीदारीने सामन्याचे रंगत पूर्णपणे बदलून टाकले.
दक्षिण आफ्रिकेने हे लक्ष्य 48.5 षटकांत साध्य करून स्पर्धेतील त्यांचा दुसरा विजय नोंदवला. त्यांच्या विजयामुळे गुणतालिकेतही लक्षणीय बदल झाला.
आयसीसी महिला एकदिवसीय विश्वचषक 2025 च्या10 सामन्यांनंतर गुणतालिकेत संघांच्या स्थानावर नजर टाकली तर, ऑस्ट्रेलियाचा संघ 5 गुणांसह पहिल्या क्रमांकावर आहे, तर इंग्लंडचा संघ 4 गुणांसह दुसऱ्या क्रमांकावर आहे. दरम्यान, तीन सामन्यांपैकी दोन विजय आणि एका पराभवानंतर, टीम इंडिया अजूनही 4 गुणांसह तिसऱ्या क्रमांकावर आहे
