T20 World Cup 2024 2 जूनपासून सुरू होणार आहे. स्पर्धेच्या पहिल्याच दिवशी दोन सामने खेळवले जाणार आहेत. पहिल्या सामन्यात यजमान अमेरिकेचा सामना कॅनडाशी होईल, तर दुसऱ्या सामन्यात यजमान वेस्ट इंडिजचा सामना पापुआ न्यू गिनीशी होईल. भारतीय संघ 5 जूनपासून स्पर्धेतील आपल्या मोहिमेला सुरुवात करणार आहे . टीम इंडियाचा पहिला सामना आयर्लंडशी होणार आहे. यानंतर 9 जून रोजी भारत आणि पाकिस्तान यांच्यात शानदार सामना रंगणार आहे.
भारत आणि पाकिस्तान यांच्यातील हा सामना नॅसाऊ काउंटी इंटरनॅशनल क्रिकेट स्टेडियम, न्यूयॉर्क येथे होणार आहे. या सामन्यासाठी न्यूयॉर्क स्टेडियमवर काम जोरात सुरू आहे. स्टेडियमचे काही फोटो सोशल मीडियावर समोर आले आहेत. यामध्ये स्टेडियमचे काम जवळपास पूर्ण झाल्याचे दिसून येत आहे. चाहतेही भारत आणि पाकिस्तान यांच्यातील सामन्याची आतुरतेने वाट पाहत आहेत. 2023 च्या एकदिवसीय विश्वचषकात दोन्ही संघांची शेवटची टक्कर झाली होती. 14 ऑक्टोबर 2023 रोजी अहमदाबादच्या नरेंद्र मोदी स्टेडियमवर खेळल्या गेलेल्या या सामन्यात भारताने पाकिस्तानचा 7 गडी राखून पराभव केला.
भारत आणि पाकिस्तान दरम्यानच्या आकडेवारीवर नजर टाकली तर दोन्ही संघांमध्ये 12 टी-20 आंतरराष्ट्रीय सामने खेळले गेले आहेत. या कालावधीत भारताने 8 तर पाकिस्तानने 3 सामने जिंकले आहेत. 1 सामनाही बरोबरीत सुटला आहे. T20 विश्वचषकात दोन्ही संघ आतापर्यंत 7 वेळा भिडले आहेत. या कालावधीत भारताने 5 सामने जिंकले आहेत. तसेच पाकिस्तानला केवळ 1 सामन्यात विजय मिळाला आहे. दोन्ही संघांमध्ये टी-२० विश्वचषकातही बरोबरी झाली आहे.
