ओव्हलवर खेळल्या गेलेल्या पाचव्या आणि शेवटच्या कसोटी सामन्यात भारताने सहा धावांनी विजय मिळवला आहे. भारताने 374 धावांचे लक्ष्य ठेवले होते. प्रत्युत्तरात, इंग्लंड संघ 367 धावांवर गडगडला. पाचव्या दिवशी इंग्लंडला विजयासाठी 35 धावांची आवश्यकता होती आणि भारताला चार विकेट्सची आवश्यकता होती.
आज सिराजने तीन विकेट्स घेतल्या, तर प्रसिद्ध कृष्णाने एक विकेट घेतली. सिराजने डावात पाच विकेट्स घेतल्या, तर प्रसिद्ध कृष्णाने चार विकेट्स घेतल्या. आकाश दीपने एक विकेट घेतली. यासह, पाच सामन्यांची कसोटी मालिका 2-2 अशी बरोबरीत संपली. शुभमन गिलच्या नेतृत्वाखालील तरुण संघाची ही ऐतिहासिक कामगिरी आहे.
पहिल्या डावात भारताने 224 धावा केल्या. प्रत्युत्तरादाखल इंग्लंडचा पहिला डाव 247 धावांवर संपला आणि इंग्लिश संघाने 23 धावांची आघाडी घेतली. भारताने दुसऱ्या डावात 396 धावा करत एकूण 373 धावांची आघाडी घेतली आणि 374 धावांचे लक्ष्य ठेवले. प्रत्युत्तरादाखल इंग्लंडचा दुसरा डाव 367 धावांवर संपला. जो रूटच्या105 धावा आणि हॅरी ब्रूकच्या 111 धावा इंग्लंडला पराभवापासून वाचवू शकल्या नाहीत.
