भारताचा 'यंगिस्तान' विक्रम पाचव्यांदा अंडर-19 विश्वचषक ट्रॉफी उचलण्यापासून फक्त एक पाऊल दूर आहे. संघाला आज संध्याकाळी अंडर-19 विश्वचषक 2022 च्या अंतिम फेरीत इंग्लंडचा सामना करायचा आहे. भारताच्या युवा संघाने उपांत्य फेरीत ऑस्ट्रेलियाचा पराभव करत सलग चौथ्यांदा विजेतेपदाच्या लढतीत प्रवेश केला. टीम इंडियाची ही आठवी फायनल आहे. भारतीय संघाने आतापर्यंत 2000, 2008, 2012 आणि 2018 मध्ये अंडर-19 विश्वचषक जिंकले आहेत. इथपर्यंत पोहोचण्यासाठी सर्व खेळाडूंनी चांगले योगदान दिले आहे.
संघातील अनेक खेळाडू कोरोना पॉझिटिव्ह आढळल्यानंतरही संघाने हार मानली नाही आणि स्पर्धेत आपली चमकदार कामगिरी सुरू ठेवली. भारताने त्यांच्या पहिल्या सामन्यात दक्षिण आफ्रिकेचा 45 धावांनी, आयर्लंडचा 174 धावांनी, युगांडाचा 326 धावांनी, उपांत्यपूर्व फेरीत बांगलादेशचा 5 गडी राखून आणि उपांत्य फेरीत ऑस्ट्रेलियाचा 96 धावांनी पराभव केला. दोन्ही संघांनी या स्पर्धेत आतापर्यंत एकही सामना गमावलेला नाही आणि अशा परिस्थितीत अंतिम सामना अतिशय रोमांचक होण्याची अपेक्षा आहे.
हा सामना कधी होणार?
भारत आणि इंग्लंड यांच्यात अंडर-19 विश्वचषक स्पर्धेचा अंतिम सामना आज 5 फेब्रुवारी रोजी खेळवला जाणार आहे.
कुठे होणार हा सामना?
भारत विरुद्ध इंग्लंड अंडर-19 विश्वचषक अंतिम सामना सर व्हिव्हियन रिचर्ड्स स्टेडियम, नॉर्थ ग्राउंड, अँटिग्वा येथे होणार आहे.
सामना किती वाजता सुरू होईल?
अंडर-19 विश्वचषक 2022 च्या अंतिम फेरीतील भारत आणि इंग्लंड यांच्यातील सामना भारतीय वेळेनुसार संध्याकाळी 6.30 वाजता सुरू होईल. सामना सुरू होण्याच्या अर्धा तास आधी नाणेफेक होईल.
लाइव्ह स्ट्रीमिंग कुठे पाहू शकता?
स्टार स्पोर्ट्स नेटवर्क आणि डिस्ने प्लस हॉटस्टार अॅपवर भारत आणि इंग्लंड यांच्यातील अंतिम सामन्याचे लाइव्ह स्ट्रीमिंग पाहू शकता.
