अमेरिका आणि बांगलादेश यांच्यातील तीन सामन्यांच्या टी-20 मालिकेतील दुसरा सामना गुरुवारी खेळला गेला. या सामन्यात अमेरिकेने आपली ताकद दाखवत शाकिब-अल-हसनच्या नेतृत्वाखालील संघाचा सहा धावांनी पराभव केला आणि मालिकेत 2-0 अशी आघाडी घेतली. याआधी अमेरिकेने बांगलादेशविरुद्धच्या पहिल्या टी-20 सामन्यात पाच विकेट्सने विजय मिळवला होता.
पाकिस्तानी गोलंदाजांनी नाणेफेक गमावून प्रथम फलंदाजी करताना सहा गडी गमावून 144 धावा केल्या. प्रत्युत्तरात पाहुण्या संघाचा डाव 19.3 षटकांत 138 धावांवरच रोखला गेला. अमेरिकेच्या सलग दुसऱ्या विजयात अली खानने महत्त्वाची भूमिका बजावली. त्याने बांगलादेशच्या तीन फलंदाजांना आपले बळी बनवले
दुसऱ्या टी-20 सामन्यात अमेरिकेची सुरुवात चांगली झाली होती. कर्णधार मोनक पटेल आणि स्टीव्हन टेलर यांच्यात पहिल्या विकेटसाठी 44 धावांची भागीदारी झाली. आंद्रे गॉस एकही धाव न काढता पॅव्हेलियनमध्ये परतला. या सामन्यात आरोन जोन्सने 35, कोरी अँडरसनने 11, हरमीत सिंगने शून्य, मोनक पटेलने 42, नितीश कुमारने सात (नाबाद) आणि शेडलीने (नाबाद) सात धावा केल्या. बांगलादेशकडून शरीफुल इस्लाम, मुस्तफिजुर रहमान आणि रिशाद हुसेन यांनी प्रत्येकी दोन गडी बाद केले.
बांगलादेशच्या डावाची सुरुवात धक्कादायक झाली. सौरभ नेत्रावळकरने एका धावेवर सौम्या सरकारला बाद केले. तो खाते न उघडताच पॅव्हेलियनमध्ये परतला.
